De conformidade co disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos no mencionado real decreto, faise público que na Sección de Mediación, Arbitraxe e Conciliación desta delegación provincial foron depositados a acta de constitución e os estatutos da asociación Organización de Autónomos e Profesionais da Localidade de Vigo (OAP Vigo), que abarcan os seguintes ámbitos.
Territorial: local.
Profesional: autónomos, empresas, integrados en tódolos oficios, gremios, comerciais, profesións libres, actividades artísticas, agrícolas, gandeira, pesqueiras e a tódolos que realicen un traballo por conta propia.
Asinan a acta de constitución: Purificación Silva Martínez e dous máis.
Os estatutos depositados poderán ser examinados por calquera persoa interesada.
Vigo, 25 de abril de 2000.
Antonio Coello Bufill
Delegado provincial de Pontevedra