De conformidade co disposto no artigo 59.4º e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, pola presente cédula notifícaselle a Marcos Porto Veiga a resolución do delegado provincial de Sanidade e Servicios Sociais de Lugo, do 14 de marzo de 2000, despois de terse intentado a súa notificación no último domicilio coñecido sen resultado positivo.

O correspondente expediente figura á disposición do interesado para coñecemento íntegro e constancia do mencionado acto nas dependencias da Delegación Provincial de Sanidade e Servicios Sociais de Lugo, co enderezo no edificio administrativo da Xunta de Galicia en Lugo, Ronda da Muralla nº 70-baixo 2º.

A sanción imposta, o prazo de ingreso e o procedemento de pagamento figuran no anexo seguinte.

ANEXO

Expediente: S-28/1999.

1. Denunciado: Marcos Porto Veiga (Hamburguesería Portos). DNI: 33.328.914.

2. Último domicilio coñecido: Avda. 18 de Xullo nº 128-27004, Lugo.

3. Feitos imputados: como consecuencia do labor inspector e de control das condicións sanitarias dos establecementos dedicados á restauración colectiva que teñen atribuído os Servicios Veterinarios Oficiais de Saúde Pública, procedeuse á inspección

do establecemento denominado Hamburguesería Portos (Marcos Porto Veiga), con domicilio na Avda. 18 de Xullo nº 128-27004, Lugo, levantando as actas de inspección serie A-I nº 97668 con data do 5 de febreiro de 1999, serie A-I nº 98723 con data do 24 de febreiro de 1999 e serie A-I nº 98186 con data do 14 de abril de 1999, nas que se constataron as seguintes irregularidades:

-Necesidade de mellora-la limpeza xeral.

-Incapacidade para poñer en funcionamento a campá extractora de fumes.

Resultado das citadas inspeccións, a Delegación Provincial da Consellería de Sanidade e Servicios Sociais en Lugo incoou expediente administrativo sancionador nº S-28/1999 mediante resolución con data do 26 de maio de 1999, infraccións das normas sanitarias e de hixiene aplicables ós comedores colectivos.

4. Preceptos infrinxidos: artigo 35.a) 3º da Lei 14/1986, do 25 de abril, xeral de sanidade; artigo 2.1º 1 do Real decreto 1945/1983, do 22 de xuño, polo que se regulan as infraccións e sancións en materia de defensa do consumidor e da producción agroalimentaria; artigo 1.1º c) do Decreto 157/1985, do 11 de xullo, da Xunta de Galicia, polo que se regulan as infraccións e sancións en materia sanitaria; capítulo I, puntos 1 e 5, 1º parágrafo e punto b) do capítulo V do Real decreto 2207/1995, do 28 de decembro, polo que se establecen as normas de hixiene relativas ós productos alimenticios; artigos 4.5º, 5.3º, 6.1º e 6.2º do Real decreto 2817/1983, do 27 de novembro, polo que se aproba a regulamentación técnico-sanitaria dos comedores colectivos.

5. Cualificación da infracción: de acordo co artigo 35 a) 3 da Lei 14/1986, do 25 de abril, xeral de sanidade, debe cualificarse como leve.

6. Sanción imposta: vintecinco mil pesetas (25.000 pesetas).

7. Prazo de ingreso: de conformidade co disposto no artigo 20 do Real decreto 1684/1990, Regulamento xeral de recadación, do 20 de decembro, o dito prazo é o seguinte:

As sancións notificadas entre os días 1 e 15 de cada mes, deberanse pagar desde a data de notificación ata o día 5 do mes seguinte, ou o inmediato día hábil posterior.

As sancións notificadas entre os días 16 e derradeiro de cada mes, deberanse pagar desde a data de notificación ata o día 20 do mes seguinte, ou o inmediato día hábil posterior.

Se, non obstante, deixase transcorre-los prazos indicados, seralle esixido o ingreso en vía executiva.

8. Procedemento de pagamento: de acordo coa Orde do 22 de maio de 1987, da Consellería de Economía e Facenda, o pagamento efectuarase mediante transferencia bancaria á Xunta de Galicia, conta restrinxida da Consellería de Sanidade e Ser

vicios Sociais, recadación de multas e sancións, con número de conta 01825947110010140179 da sucursal do BBV, Banco Bilbao Vizcaya, con enderezo en Santiago de Compostela.

9. Recurso procedente: en cumprimento dos artigos 114 a 117 da Lei 30/1992, do 26 de novembro, do réxime xurídico das administracións públicas e do procedemento administrativo común, o interesado dispón do prazo dun mes, desde a publicación desta resolución, para interpoñer recurso de alzada ante o conselleiro de Sanidade e Servicios Sociais, edificio administrativo San Caetano, en Santiago de Compostela.

Lugo, 10 de abril de 2000.

Luis Abades Álvarez

Delegado provincial de Lugo