Por orde da Consellería de Educación e Ordenación Universitaria do 9 de setembro (Diario Oficial de Galicia do 21 de setembro de 1999), convocáronse axudas económicas para a realización de accións descentralizadas do Programa Sócrates, Comenius 3.2 Axudas para a formación do profesorado e persoal educativo.

De conformidade co disposto no punto sexto da citada orde,

RESOLVO:

Primeiro.-Facer pública a relación de beneficiarios no anexo I, dos candidatos en lista de espera no anexo II e dos excluídos no anexo III. Igualmente reflictirase no anexo IV os candidatos que renunciaron á axuda unha vez concedida esta.

Segundo.-Se por algunha causa excepcional algún beneficiario se vise obrigado a renunciar, deberá comunicalo urxentemente á Dirección Xeral de Ordenación Educativa e Formación Profesional, para que se proceda á súa substitución polo candidato da lista de espera ó que corresponda.

Terceiro.-De acordo coa normativa vixente, os beneficiarios deste tipo de axudas quedan obrigados a:

1. Comunicar, se existe, a obtención de subvencións ou axudas, para a mesma finalidade de calquera Administración ou ente público ou privado, nacional ou internacional.

2. Someterse ás actuacións de comprobación que poida efectua-la Consellería de Educación e Orde

nación Universitaria, así como a Axencia Nacional Sócrates e a Comisión Europea.

3. Xustifica-lo correcto investimento das axudas recibidas, presentando a seguinte documentación:

3.1. Memorias:

Os beneficiarios, unha vez finalizada a actividade, enviarán á Dirección Xeral de Ordenación Educativa e de Formación Profesional un informe dela, no prazo dun mes, contado desde a data de finalización da actividade.

3.2. Xustificación económica:

Toda a xustificación económica deberá realizarse ante a Axencia Nacional Sócrates (Paseo del Prado, 28, 8ª planta, 28014 Madrid). A dita axencia enviaralles ós candidatos seleccionados a documentación correspondente. O convenio financeiro devolverase debidamente cuberto no prazo de dez días, contado desde a data da súa recepción. A ficha financeira enviarase unha vez finalizada a actividade, xunto cun informe das actividades realizadas, no prazo dun mes contado desde a data da súa finalización.

Cuarto.-A documentación poderá ser retirada durante os tres meses posteriores ó da publicación desta orde no DOG, na Dirección Xeral de Ordenación Educativa e Formación Profesional. San Lázaro, 107. Santiago de Compostela.

Quinto.-Contra esta resolución os interesados poderán interpor recurso de alzada ante o conselleiro de Educación e Ordenación Universitaria, no prazo dun mes, contado a partir do día seguinte ó da súa publicación no DOG, segundo o disposto nos artigos 114 e 115 da Lei 4/1999 (BOE do 14 de xaneiro).

Sexto.-Esta resolución entrará en vigor o día seguinte á da súa publicación no DOG.

Santiago de Compostela, 26 de abril de 2000.

José Luis Mira Lema

Director xeral de Ordenación Educativa

e Formación Profesional

ANEXO I

Lista de candidatos seleccionados

ANEXO II

Candidatos en lista de espera

ANEXO III

Candidatos excluídos

ANEXO IV

Renuncias