Por orde da Consellería de Educación do 1 de setembro de 1999 (Diario Oficial de Galicia do 30), convocáronse axudas para o desenvolvemento de proxectos educativos conxuntos no marco do Programa Sócrates, Lingua, Acción E.
De conformidade co disposto no punto décimo da citada orde,
RESOLVO:
Primeiro.-Adxudicarlles axudas, pola contía que se indica, para a realización de intercambios e encontros escolares que se van desenvolver entre o 1 de marzo de 2000 e o 31 de xullo de 2001, ós centros que figuran relacionados no anexo I. No anexo II figuran os centros en lista de reserva mentres que no anexo III se indican os centros excluídos e a súa causa.
Segundo.-O libramento das axudas ós centros realizarase a través da Axencia Nacional Sócrates. A dita axencia enviará a cada un dos centros seleccionados o modelo de contrato elaborado pola Comisión Europea. Este documento deberá ser cuberto e asinado polo director do centro e remitido posteriormente á Axencia Nacional Sócrates (Paseo del Prado, 28, 8ª planta. 28014 Madrid)
Terceiro.-Unha vez recibidos os fondos da Comisión Europea, a Axencia Nacional Sócrates iniciará a tramitación para efectua-lo libramento das cantidades correspondentes a cada un dos centros seleccionados, de acordo co establecido nos contratos asinados polos ditos centros.
Cuarto.-De acordo coa normativa vixente, os beneficiarios deste tipo de axudas quedan obrigados a:
1. Comunicar, se é o caso, a obtención de subvencións ou axudas, para a mesma finalidade, de calquera Administración ou ente público ou privado, nacional ou internacional.
2. Someterse ás actuacións de comprobación que, se é o caso, poida efectua-la Consellería de Educación e Ordenación Universitaria, así como a Axencia Nacional Sócrates e a Comisión Europea.
3. Xustifica-lo correcto investimento das axudas recibidas, mediante a presentación da seguinte documentación:
3.1. Memorias.
Os centros beneficiarios enviarán memoria descritiva do Proxecto Educativo Conxunto (PEC), cunha extensión máxima de 25 folios. A dita memoria reflectirá o grao de cumprimento dos obxectivos programados, a lista de alumnos participantes e a avaliación das actividades levadas a cabo, incluíndo o producto final elaborado polos alumnos. Poderá xuntarse material audiovisual. Enviarase igualmente copia do informe financeiro final e da folla de estatísticas enviada á Axencia Nacional Sócrates.
A documentación deberá remitirse á Dirección Xeral de Ordenación Educativa e de Formación Profesional (Edificio San Lázaro 107. 15771 Santiago de Compostela), especificando «Programa Sócrates, Lingua, Acción E», no prazo dun mes desde a finalización da actividade.
3.2. Xustificación económica.
3.2.1. Un informe financeiro final que inclúa o total dos gastos reais que poidan optar á axuda e nos que se incorrese para a participación, así como os ingresos totais, en particular os cofinanciamentos obtidos. Este informe presentarase seguindo o modelo de liquidación de subvención enviado pola Axencia Nacional.
3.2.2. Os billetes orixinais de transporte (avión, tren) de tódolos participantes no intercambio e as facturas de aloxamento.
3.2.3. A folla estatística enviada pola Axencia Nacional con tódolos datos cubertos.
3.2.4. Un resumo de dúas páxinas escrito á máquina e a dobre espacio do informe final (memoria pedagóxica) sobre as actividades desenvolvidas durante o proxecto, que conteña a lista cos nomes dos participantes no intercambio, e mención ó producto final dos alumnos.
A citada xustificación económica deberá remitirse á dita Axencia Nacional Sócrates, e dentro do prazo marcado no punto 3.1., exceptuando a ficha de liquidación financeira, que se remitirá nos dez días seguintes ó da súa recepción.
Quinto.-A non-xustificación da axuda percibida conforme o disposto nestas bases comportará o reintegro á Axencia Nacional Sócrates das cantidades non xustificadas e as esixencias dos xuros de demora, sen prexuízo das responsabilidades administrativas en que poida incorrer conforme os artigos 81 e 82 da vixente Lei xeral orzamentaria na súa nova redacción dada pola Lei 31/1990, do 27 de decembro.
Sexto.-Calquera alteración das condicións tidas en conta para a concesión das axudas e, en todo caso, a obtención concorrente de subvencións ou axudas outorgadas por outras administracións ou entes públicos ou privados, nacionais ou internacionais, poderá dar lugar á modificación da resolución da concesión.
Sétimo.-Contra esta resolución os interesados poderán interpoñer recurso de alzada perante o conselleiro de Educación e Ordenación Universitaria, no prazo dun mes, contado a partir do día seguinte ó da súa publicación no Diario Oficial de Galicia,
segundo o disposto nos artigos 114 e 115 da Lei 4/1999 (BOE do 14 da xaneiro).
Disposicións derradeiras
Primeira.-Esta resolución entrará en vigor o día seguinte ó da súa publicación no Diario Oficial de Galicia.
Santiago de Compostela, 24 de abril de 2000.
José Luis Mira Lema
Director xeral da Dirección Xeral de Ordenación
Educativa e de Formación Profesional
ANEXO I
Proxectos seleccionados
euros
Centro Provincia Título do proxecto País Axuda
IES Val Miñor-Nigrán Pontevedra A identidade europea a través das diferencias Alemaña 5.950
IES Portovello-Ourense Ourense Eje motivador del aprendizaje del francés Francia 2.940
IES de Barro-Barro Pontevedra La arquitectura medieval en Auvergne y Galicia Francia 6.227
IES O Couto-Ourense Ourense Intercambio lingüístico Ourense-Camberley Inglaterra 4.116
IES de Arzúa-Arzúa A Coruña No camiño de Martín Guerre Francia 5.040
IES de Allariz-Allariz Ourense As actividades extraescolares: dinámica e motivación Francia 8.175
Efa Piñeiral-Arzúa A Coruña Comprenderse no marco de dúas linguas distintas pero de orixe común Francia 3.584
IES Daviña Rei-Monforte de Lemos Lugo Galicia-Bretaña: el medio ambiente: ¿una inquetud compartida? Francia 5.040
IES Río Cabe-Monforte de Lemos Lugo Galicia-Bretaña: el medio ambiente: ¿una inquetud compartida? Francia 5.040
IES A Pinguela-Monforte de Lemos Lugo Galicia-Bretaña: el medio ambiente: ¿una inquetud compartida? Francia 4.620
IES María Sarmiento-Viveiro Lugo Connaissance d'une langue, découverte d'un pays Francia 2.455
IES A Sangriña-A Guarda Pontevedra Encontrémonos en nuestra parte de Europa Italia 4.470
ANEXO II
Centros en lista de reserva
Nº de orde Centro escolar Localidade-provincia País de destino
1 EFA A Cancela As Neves-Pontevedra Italia
2 IES Vilar Ponte Viveiro-Lugo Inglaterra
3 IES Pedra da Auga Ponteareas-Pontevedra Francia
4 IES Vilar Ponte Viveiro-Lugo Francia
5 EFA Fonteboa Coristanco-A Coruña Francia
6 IES de Sar Santiago de Compostela-A Coruña Francia
7 IES A Carballeira Ourense-Ourense Francia
8 IES Santa Irene Vigo-Pontevedra Francia
9 IES Santo Tomé de Freixeiro Vigo-Pontevedra Francia
10 IES A Farixa Ourense-Ourense Francia
11 IES Blanco Amor Ourense-Ourense Francia
12 IES O Couto Ourense-Ourense Francia
13 IES Os Rosais-2 Vigo-Pontevedra Inglaterra
14 Colexio Santiago Apóstol Vigo-Pontevedra Francia
15 IES Fernando Esquío Neda-A Coruña Polonia
16 IES San Mamede Maceda-Ourense Francia
ANEXO III
Centros exluídos
Centro Localidade-provincia Causa de exclusión
IES Ribeira do Louro O Porriño-Pontevedra Non se adapta á convocatoria
IES CPI Progreso Catoira-Pontevedra Non se adapta á convocatoria