«Proposta de resolución que se formula para cumpri-lo disposto no artigo 72 da Lei 6/1993, do 11 de maio, de pesca de Galicia, en relación coa concesión administrativa outorgada a Depuradora de Mariscos Coruñesa, S.A., por decreto da Dirección Xeral de Pesca, para a explotación do seguinte establecemento:

Establecemento: estación depuradora de moluscos.

Especies autorizadas: moluscos.

Localización: As Xubias, A Pasaxe, concello da Coruña.

Data da concesión: 16-1-1969.

Remate da vixencia: 16-1-1999.

Resultando que con data do 12-11-1999 a Delegación Territorial da Consellería de Pesca, Marisqueo e Acuicultura da Coruña ordenou a incoación do expediente de caducidade da devandita concesión por non solicitarse a prórroga do título habilitante dentro do prazo legal para iso.

Resultando que o acordo de iniciación do expediente de caducidade e o nomeamento do instructor lle foi remitido ó interesado o 17-11-1999, sendo devolta a notificación polo servicio de correos.

Resultando que con data do 14-2-2000 foi publicada no DOG o 31-1-2000 exposto no taboleiro de anuncios do concello do último domicilio coñecido da sociedade Depuradora de Mariscos Coruñesa, S.A. a iniciación do expediente de caducidade e o nomeamento de instructor e secretario no dito expediente, sen que se formulasen alegacións dentro do prazo establecido para iso.

Considerando que o expediente se tramitou de conformidade co disposto na Lei de réxime xurídico das administracións públicas e do procedemento administrativo común.

Considerando que o feito de non solicita-la prórroga do título habilitante para a explotación dun establecemento de cultivos mariños e/ou auxiliar, dentro do prazo establecido para iso, é causa de caducidade das recollidas no artigo 72.c) da Lei 6/1993, do 11 de maio (DOG do 31 de maio), de pesca de Galicia.

Considerando que, en virtude das facultades que lle confire a Lei 6/1993, de pesca de Galicia, é competencia da Consellería de Pesca, Marisqueo e Acuicultura a adopción da resolución axeitada.

Vista a Lei de réxime xurídico das administracións públicas e do procedemento administrativo común

do 26 de novembro de 1992 (BOE do 27 de novembro), a Lei 6/1993, de pesca de Galicia, do 11 de maio (DOG do 31 de maio), a Lei 22/1988, do 29 de xullo, de costas, o Real decreto 147/1989, do 1 de decembro, polo que se aproba o Regulamento xeral para o desenvolvemento da Lei de costas, o Decreto 423/1993, do 17 de decembro (DOG do 20 de xaneiro), polo que se refunde a normativa vixente en materia de marisqueo, extracción de algas e cultivos mariños, e demais disposicións aplicables ó caso.

Proponse que se declare a caducidade da concesión administrativa outorgada a Depuradora de Mariscos Coruñesa, S.A. por decreto da Dirección Xeral de Pesca do 16-1-1969.

Notifíqueselle esta proposta de resolución ó interesado, indicándolle que o expediente está á súa disposición nesta delegación territorial, para o seu exame e alegacións, durante un prazo de 15 días hábiles contados a partir da súa notificación.

A Coruña, 9 de marzo de 2000. O instructor, Fernando Fernández Paradela».

A Coruña, 6 de abril de 2000.

María José Cancelo Baquero

Delegada territorial da Coruña