Vista a solicitude para a autorización administrativa, recoñecemento de utilidade pública, coa relación concreta e individualizada dos bens e dereitos afectados pola expropiación, así como para a aprobación do proxecto de execución que se cita:
Solicitante: Unión Eléctrica-Fenosa, S.A.
Domicilio social: Avda. de Arteixo, 171, 15007 A Coruña.
Denominación: L.M.T., C.T., R.B.T. Vilar (Valdoviño).
Liña eléctrica aérea a 15/20 kV de 958 m de lonxitude en conductor LA-56 que parte da L.M.T. de Castro e final no C.T. tipo aéreo de 100 kVA en
Vilar e axustamento á R.B.T. cunha lonxitude de 1.055 m en conductor R.Z. no termo municipal de Valdoviño.
A petición someteuse a información pública, coa relación de propietarios, bens e dereitos afectados, no DOG do 25-3-1999, e no BOP do 12-3-1999, no xornal La Voz de Galicia do día 4-3-1999 e nos taboleiros de anuncios da Casa do Concello de Valdoviño; ó mesmo tempo, notificouse individualmente a cada un dos interesados que figuran na devandita relación.
Esta delegación provincial comprobou que a liña, ó seu paso polos predios relacionados na información pública, non incorre en ningunha das prohibicións recollidas no artigo 57.A da Lei 54/1997, do 27 de novembro, do sector eléctrico (BOE do 28-11-1997), e no artigo 25 do Decreto 2619/1996, do 20 de outubro (BOE do 24-10-1966).
Así mesmo comprobouse que as alegacións efectuadas polos interesados en canto á modificación do trazado da liña eléctrica non poden ser tidas en conta por non se daren as condicións previstas no artigo 57.B da devandita lei e no artigo 26 do mencionado decreto.
Vista a Lei 54/1997, do 27 de novembro, do sector eléctrico, os decretos 2617/1966 e 2619/1966, do 20 de outubro, sobre autorización e expropiación forzosa das instalacións eléctricas, e cumpridos os trámites regulamentarios establecidos, esta delegación provincial resolveu:
Autorizar e aproba-lo proxecto das citadas instalacións e declarar, en concreto, a súa utilidade pública, que leva implícita a necesidade de ocupación dos bens ou de adquisición dos dereitos afectados e implica a urxente ocupación para os efectos do artigo 52 da Lei de expropiación forzosa.
Contra a presente resolución poderase interpoñer recurso de alzada perante o conselleiro de Industria e Comercio no prazo dun mes contado a partir do día seguinte ó da notificación desta resolución. Tamén poderá interpoñer calquera outro recurso que considere pertinente ó seu dereito.
A Coruña, 13 de abril de 2000.
Jesús Espada Martínez
Delegado provincial da Coruña