O Concello da Xerencia Municipal de Urbanismo de Vigo, en sesión do día 6 de abril de 2000, acordou aprobar inicialmente a delimitación da unidade reparcelable solicitada por Antonio Giráldez González en data do 10-12-1999, referente ó ámbito correspondente a 4 parcelas situadas entre a rúa Dr. Carracido, en concreto á frente dos números 26 e 28 e a rúa Azor paralela á anterior, cos números 13 e 13 D, cunha superficie de 389,15 m, resultando os propietarios Antonio Giráldez González e Josefina González Fernández e cos seguintes lindeiros:

Norte: Enrique Posada Fernández.

Benita Abal Balo.

Sur: María Consuelo Rivero.

Eugenio Lago Fernández.

Leste: rúa Dr. Carracido.

Oeste: Victorino Correa.

Procédese ó trámite de información pública do citado expediente polo prazo de vinte días contados desde a publicación no DOG. A documentación atópase na Oficina de Información da Xerencia Municipal de Urbanismo ó dispor do público.

O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou ignorando o seu enderezo non poidan ser notificados persoalmente.

Vigo, 14 de abril de 2000.

Lois Pérez Castrillo

Alcalde-presidente da Xerencia Municipal de Urbanismo de Vigo