De conformidade coa proposta elevada pola comisión designada para xulga-lo concurso convocado por resolución desta universidade do 30 de xullo de 1999 (BOE do 25 de agosto), para a provisión da praza número 99/024 de catedrático de universidade da área de coñecemento de matemática aplicada, do departamento de Matemáticas desta universidade, a favor de Carlos Vázquez Cendón, e unha vez acreditados polo interesado os requisitos a que alude o punto 2º do artigo 5 do Real decreto 1888/1984, do 26 de setembro.

Este rectorado, no uso das atribucións conferidas polo artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a Carlos Vázquez Cendón, catedrático de universidade da área de coñecemento de matemática aplicada, do departamento de Matemáticas desta universidade.

A Coruña, 13 de abril de 2000.

José Luis Meilán Gil

Rector da Universidade da Coruña