De conformidade coa proposta elevada pola comisión designada para xulga-lo concurso convocado por resolución desta universidade de 30 de xullo de 1999 (BOE do 25 de agosto), para a provisión da praza número 99/021 de catedrático de universidade da área de coñecemento de enxeñería mecánica, do departamento de Enxeñería Industrial II desta universidade, a favor de Francisco Javier Cuadrado Aranda, e unha vez acreditados polo interesado os requisitos a que alude o punto 2º do artigo 5 do Real decreto 1888/1984, do 26 de setembro.
Este rectorado, no uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Francisco Javier Cuadrado Aranda catedrático de universidade da área de coñecemento de enxenería mecánica, do departamento de Enxeñería Industrial II desta universidade.
A Coruña, 13 de abril de 2000.
José Luis Meilán Gil
Rector da Universidade da Coruña