Eu, Camilo J. García-Puertas Magariños, secretario do Xulgado do Social número dous de Santiago de Compostela, dou fe de que nos presentes autos de xuízo verbal número 50/2000, seguidos neste Xulgado do Social número dous de Santiago de Compostela, por instancia de José Aboy Barreiro, contra Repriss A Coruña, S.L., en reclamación de despedimento, se dictou, con data do vintecinco de febreiro de dous mil, a sentencia coa decisión do teor literal seguinte:
«Que estimando como estimo a demanda interposta por José Aboy Barreiro, contra a empresa Repriss A Coruña, S.L., debo declarar e declaro nulo o despedimento de que foi obxecto o demandante o día 4 de xaneiro de 2000, condenando á dita mercantil a estar e pasar pola dita declaración e á inmediata readmisión do demandante no seu anterior posto de traballo, con aboamento a este da suma de cento setenta e unha mil cento oitenta e catro pesetas (171.184 ptas.) en concepto de salario de tramitación, máis un haber de tres mil duascentas noventa e dúas pesetas (3.292 ptas.) ata a data de notificación á empresa desta resolución».
E para que sirva de sentencia a Repriss A Coruña, S.L., con domicilio en Touro, 3, baixo dereita, de Santiago de Compostela, hoxe en paradoiro descoñecido, e facéndolles saber que contra ela poderán interpoñer recurso de suplicación para ante a Sala do Social do Tribunal Superior de Xustiza de Galicia, o cal deberá ser anunciado, por escrito ou comparecencia, no termo de cinco días, contados desde o día seguinte ó da notificación da sentencia, e con
expresa advertencia de que de se-lo recorrente a empresa demandada deberá exhibir perante este xulgado o xustificante acreditativo de ter depositado na conta de recursos deste Xulgado do Social, número dous, nº de identificación: 5.608, aberta no Banco Bilbao-Vizcaya, oficina 5947, sita na rúa Senra, nº 3 desta cidade, a cantidade obxecto de condena (clave de ingreso 60); poderá substituírse a consignación en metálico polo aseguramento mediante aval bancario, no que deberá facerse conta-la responsabilidade solidaria do avalista; e acreditar tamén que depositou na indicada conta (clave de ingreso 65) a cantidade de vintecinco mil pesetas (25.000 pesetas), preceptiva legalmente para recorrer; sen estes requisitos non se terá por anunciado o dito recurso».
E así mesmo, para que conste para efectos da súa publicación no Diario Oficial de Galicia, expido e asino esta cédula de notificación de sentencia, en Santiago de Compostela o sete de abril de dous mil.
O secretario xudicial
Rubricado