De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que no anexo se menciona a proposta de resolución dictada pola instructora no expediente que por infracción á Lei 4/1989, de conservación dos espacios naturais e da flora e fauna silvestres, se está a tramitar nesta delegación.

Para os efectos previstos no artigo 19 do Real decreto 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, o denunciado, no prazo de 15 días hábiles contados a partir do seguinte ó da publicación desta notificación, poderá examina-lo expediente no Servicio de Medio Ambiente Natural, sito na r/ Benito Corbal, 47-5º planta, e presenta-las alegacións que considere convenientes.

Pontevedra, 30 de marzo de 2000.

José Luis Díez Yáñez

Delegado provincial de Pontevedra

ANEXO

Expediente: E.N. 60/1999.

Denunciado. Último enderezo coñecido: Patiño López, Jesús. Castiñáns, 85, Bueu.

Feito denunciado: executar sen autorización un pozo de barrena realizando unha perforación de 42 m de profundidade, nas inmediacións da casa nº 89 da illa de Ons, estando en trámite o Plan de Ordenación de Recursos Naturais das Illas Atlánticas, no que se inclúe a illa. Feitos denunciados o día 23 de agosto de 1999, na illa de Ons, concello de Bueu.

Precepto infrinxido: artigo 38.13º en relación co artigo 7 da Lei 4/1989, de conservación dos espacios naturais e da flora e fauna silvestres.

Precepto sancionador: artigo 38.13º en relación co artigo 7 da Lei 4/1989 de conservación dos espacios naturais e da flora e fauna silvestres.

Sanción: 200.000 ptas. para pagar conxunta e solidariamente co outro denunciado no expediente E.N. 60/1999.