De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que no anexo se menciona a resolución do dito expediente, por infracción á Lei 4/1989, do 27 de marzo, de conservación dos espacios naturais e da flora e fauna silvestres.

1. Contra a dita resolución caberá, de conformidade co establecido nos artigos 107.1º, 114 e 115 da Lei 4/1999, de modificación da Lei 30/1992, do 26 de novembro, de réxime xurídico das administracións públicas e do procedemento administrativo común, a interposición de recurso de alzada perante o conselleiro de Medio Ambiente da Xunta de Galicia, no prazo dun mes contado desde o día seguinte ó da recepción da notificación. Transcorrido o devandito prazo sen interpoñerse o recurso, a resolución será firme para tódolos efectos, sen prexuízo, de se-lo caso, da procedencia do recurso extraordinario de revisión.

Transcorrido o prazo de interposición do recurso sen que este fose presentado, esta resolución será firme para tódolos efectos.

2. O importe da sanción, así como o da indemnización, farase efectivo, dentro do prazo de quince días contados desde o momento en que a resolución sexa firme, na conta 3110001181 de Caixa Galicia (2091), oficina 0388. De non facelo dentro do prazo sinalado, procederase ó seu cobramento pola vía de constrinximento.

3. O rescate do comisado, no caso de que se trate de utensilios de uso lícito, poderá obterse logo de pagamento da contía total da sanción e indemnización dentro do prazo establecido no parágrafo anterior.

Pontevedra, 30 de marzo de 2000.

José Luis Díez Yáñez

Delegado provincial de Pontevedra

ANEXO

Expediente: E.N. 42/1999.

Denunciado. Último enderezo coñecido: José Luis Ansias Campos. San Roque, 16, Cangas.

Feito denunciado: practicar windsurf, deporte prohibido no Complexo Intermareal Umia-O Grove, nas inmediacións da marisma do Bao. Prohibición perfectamente sinalizada con carteis. Feitos denunciados ás 18.30 horas do día 10 de agosto de 1999, nas inmediacións da enseada do Bao.

Precepto infrinxido: artigo 38.2º da Lei de conservación dos espacios naturais e da flora e fauna silvestres.

Precepto sancionador: artigo 38.2º da Lei de conservación dos espacios naturais e da flora e fauna silvestres.

Sanción: 10.000 ptas.