Aprobado inicialmente en Comisión de Goberno do Concello do Grove do 28 de marzo deste ano o proxecto de urbanización da vía situada na travesía da rúa Castelao á rúa Luís Seoane, que foi presentado para a súa aprobación ante este concello por iniciativa particular de Manuel Outón Limeres, en representación de Silganar, S.L.

De conformidade co establecido no artigo 44.3º da Lei 1/1997, do 24 de marzo, do solo de Galicia, sométese a información pública o citado proxecto de urbanización durante un mes, contado desde a publicación deste anuncio no DOG. O expediente encóntrase á disposición dos interesados nas oficinas de secretaría do concello para o seu exame.

Así mesmo, efectúase por medio deste anuncio a notificación a aqueles propietarios de terreos afectados descoñecidos ou ós que, tentada a notificación, non se puido practicar, nos termos do artigo 42.6º da Lei 1/1997, do 24 de marzo.

O Grove, 29 de marzo de 2000.

Miguel Ángel Pérez García

Alcalde