Perante este Xurado Provincial de Montes Veciñais en Man Común, tramítase o expediente 358, de clasificación do monte que ten as características que se indican a continuación:

Denominación: Sieiras, Bornalle e Rateira.

Comunidade: Bornalle, Vilar, Priegue e Pazo.

Parroquia: A Abelleira.

Concello: Muros.

Superficie: 268,40 ha.

Estremas:

Parcela 1. Monte Sieiras. Superficie 102 ha.

Procede do monte Sieiras, nº 136 do C.U.P.

Norte: remata en punta, no piquete 1 do deslindamento. Leste: do piquete 1 ó 128, seguindo a liña descrita no esbozo incorporado ó expediente, con máis monte Sieiras. Do piquete 128 ó 295 seguindo a orde de piquetes, con propiedades particulares de veciños da Abelleira. Sur: do piquete 295 ó 320, seguindo a orde de piquetes, con propiedades particulares de veciños da Abelleira. Oeste: do piquete 320 ó 332 seguindo a orde de piquetes e deste ó 1, con monte Baño.

Parcela 2. Monte Bornalle. Superficie 83,40 ha.

Procede do monte Bornallo, nº 109 do C.U.P.

Norte: remata en punta no piquete 76 do deslindamento. Leste: desde o piquete 76 ata o 79, seguindo a orde de piquetes, co monte Pedregal e Bolantón, do 79 ó 82, seguindo a orde de piquetes, deste ó 1, e do 1 ó 6, seguindo a orde de piquetes, co monte Tal. Sur: do piquete 6 ó 18 seguindo a orde de piquetes, con propiedades particulares. Oeste: do piquete 18 ó 73 seguindo a orde de piquetes, con propiedades particulares. Do 73 ó 76 seguindo a orde de piquetes, con monte Calvo e outros.

Parcela 3. Monte Rateira. Superficie 83 ha.

Procede do monte Calvo e outros, nº 110 do C.U.P.

Norte: desde o alto denominado Coto Frei Mariño, pola pista de Riomao ata o piquete 36, con máis monte Calvo e outros. Do piquete 36 ó 46 seguindo a orde de piquetes, con propiedades particulares. Leste: do piquete 46 ó 66 seguindo a orde de piquetes, con monte Pedregal e Bolantón, monte Costa de Pando, e propiedades particulares. Sur: do piquete 66 ó 97 seguindo a orde de piquetes, con propiedades particulares. Oeste: do piquete 97 ó Coto Frei Mariño, polas cotas de maior altitude segundo o esbozo incorporado ó expediente, co resto do monte Calvo e outros.

En virtude do acordado polo xurado, e en cumprimento da orde do instructor, do 14 de febreiro de 2000, conforme o disposto na Lei de montes veciñais en man común, do 10 de outubro de 1989, e demais disposicións de aplicación, por medio do presente edicto faise pública a iniciación da tramitación do expediente indicado, co obxecto de que, de acordo co previsto no artigo 23 do Regulamento do 23 de setembro de 1992 para a aplicación da citada lei, cantas persoas, organismos ou corporacións resulten interesadas poidan comparecer e intervir no expediente iniciado e formular perante o xurado, no prazo dun mes, contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean que os asisten en relación co monte, achegando, se é o caso, a documentación que consideren conveniente ó respecto.

A Coruña, 14 de febreiro de 2000.

Ana María Díaz López

Secretaria do Xurado Provincial de Montes

Veciñais en Man Común da Coruña