Perante este Xurado Provincial de Montes Veciñais en Man Común, tramítase o expediente 357, de clasificación do monte que ten as características que se indican a continuación:
Denominación: de Corrubedo.
Comunidade: Corrubedo.
Parroquia: Coiro.
Concello: Mazaricos.
Superficie: 111 ha.
Estremas:
Procede do monte Cadaval, Ruña e outros, nº 103-D do C.U.P.
Norte: desde o piquete 250 do deslindamento seguindo devasa ata o piquete 185, co monte da comunidade de Suevos. Desde o piquete 185 ata o 193 seguindo a orde de piquetes, con propiedades particulares de veciños de Corrubedo. Leste: desde o piquete 193 seguindo a orde de piquetes, ata o punto onde o Rego dos Reguiños toca coa liña do deslindamento, entre os piquetes 197 e 198, con propiedades particulares de veciños de Corrubedo. Sur: seguindo o Rego dos Reguiños desde a liña do deslindamento ata a pontella do Rego dos Reguiños, en liña recta ata o punto Riba dos Carrís, segue o camiño dos Carrís ata o muro do prado Facagrande, segue polo valado ata o punto Baixo dos Prados dos Maios, e polo camiño dos Carrís ata o punto denominado Fonte Semias, na liña do deslindamento e preto do piquete 243, con máis monte Cadaval, Ruña e outros. Oeste: desde o punto Fonte Semias seguindo a liña do deslindamento ata o piquete 244, e deste ó 250 seguindo a orde de piquetes, co termo do concello de
Muros.
En virtude do acordado polo xurado, e en cumprimento da orde do instructor, do 14 de febreiro de 2000, conforme o disposto na Lei de montes veciñais en man común, do 10 de outubro de 1989, e demais disposicións de aplicación, por medio do presente edicto faise pública a iniciación da tramitación do expediente indicado, co obxecto de que, de acordo co previsto no artigo 23 do Regulamento do 23 de setembro de 1992 para a aplicación da citada lei, cantas persoas, organismos ou corporacións resulten interesadas poidan comparecer e intervir no expediente iniciado e formular perante o xurado, no prazo dun mes, contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean que os asisten en relación co monte, achegando,
se é o caso, a documentación que consideren conveniente ó respecto.
A Coruña, 14 de febreiro de 2000.
Ana María Díaz López
Secretaria do Xurado Provincial de Montes
Veciñais en Man Común da Coruña
Visto e prace
Juan Ramón Beneyto Bellas
Instructor