Perante este Xurado Provincial de Montes Veciñais en Man Común, tramítase o expediente 354, de clasificación do monte que ten as características que se indican a continuación:

Denominación: Moucho, Pedriñas Negras, Pedrouzo, Regueiro, Malladoira e Penouseira.

Comunidade: parroquia de Leiro.

Concello: Rianxo.

Superficie: 10,90 ha.

Estremas:

Parcela 1. Monte Moucho. Superficie 0,78 ha. Situado no lugar de Brión.

Norte: Germán Alcalde e outros. Leste: Duarte e outros, estremando co primeiro mediante un valado de cantería da súa propiedade. Sur: Baltasar Domínguez. Oeste: limita mediante unha pista e un valado de cantería e unha aliñación de pedras, con sendos propietarios particulares.

Parcela 2. Pedriñas Negras. Superficie 0,60 ha. Situado no lugar de Brión.

Norte: Isabel Mayán e outros propietarios particulares. Leste: propietarios particulares. Pista de terra na súa parte sur. Sudoeste: valado de pedras e camiño que discorren ó longo do límite da parcela e que a separan de propietarios particulares.

Parcela 3. Monte Pedrouzo. Superficie 2,21 ha. Situado no lugar de Abuín.

Norte: camiño que limita con propietarios particulares. Leste: propietarios particulares. Sur: coa costa. Oeste: propietarios particulares. Camiño que discorre polo límite da propiedade na parte sur.

Parcela 4. Monte Regueiro. Superficie 0,59 ha. No lugar de Abuín.

Leste: valado de pedras que discorre pola parte deste límite e que o separa de propietarios particulares. Sur: propietarios particulares. Oeste: limita na parte norte mediante pista con propietario particular e o resto do límite discorre ó longo do regato.

Parcela 5. Malladoira. Superficie 1,18 ha. Lugar de Abuín.

Oeste: varios propietarios particulares. Leste: ó sur Manuel e José Escurís e ó norte Germán Alcalde e Alfonso García.

Parcela 6. Penouseira. Superficie 5,52 ha. Lugar de Abuín.

Norte: valado de cantería que limita con Manuel Escurís, e aliñación de pedras que limitan con José Escurís e Fermín Muíños. Leste: Hrdos. de Rivera e outros. Sur: costa. Oeste: pista de terra que estrema con propietarios particulares.

En virtude do acordado polo xurado, e en cumprimento da orde do instructor, do 14 de febreiro de 2000, conforme o disposto na Lei de montes veciñais en man común, do 10 de outubro de 1989, e demais disposicións de aplicación, por medio do presente edicto faise pública a iniciación da tramitación do expediente indicado, co obxecto de que, de acordo co previsto no artigo 23 do Regulamento do 23 de setembro de 1992 para a aplicación da citada lei, cantas persoas, organismos ou corporacións resulten interesadas poidan comparecer e intervir no expediente iniciado e formular perante o xurado, no prazo dun mes, contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean que os asisten en relación co monte, achegando, se é o caso, a documentación que consideren conveniente ó respecto.

A Coruña, 14 de febreiro de 2000.

Ana María Díaz López

Secretaria do Xurado Provincial de Montes

Veciñais en Man Común da Coruña

Visto e prace

Juan Ramón Beneyto Bellas

Instructor