Perante este Xurado Provincial de Montes Veciñais en Man Común, tramítase o expediente nº 353, de clasificación do monte que ten as características que se indican a continuación:

Denominación: O Souto.

Comunidade: parroquia de Sigrás.

Concello: Cambre.

Superficie: 3,35 ha.

Estremas:

Situado no lugar do Souto. Consta dunha parcela atravesada polo camiño veciñal que vai a Inxertos.

Norte: montes de Atocha, Antonio Andrade, Donato Moscoso e outros veciños de Sigrás. Leste: estrada, José Vázquez, Manuel González e estrada. Sur:

Donato Moscoso, Juan Ramos e outros veciños de Sigrás. Oeste: Manuel Martínez e montes de Atocha.

En virtude do acordado polo xurado, e en cumprimento da orde do instructor, do 14 de febreiro de 2000, conforme o disposto na Lei de montes veciñais en man común, do 10 de outubro de 1989, e demais disposicións de aplicación, por medio do presente edicto faise pública a iniciación da tramitación do expediente indicado, co obxecto de que, de acordo co previsto no artigo 23 do Regulamento do 23 de setembro de 1992 para a aplicación da citada lei, cantas persoas, organismos ou corporacións resulten interesadas poidan comparecer e intervir no expediente iniciado e formular perante o xurado, no prazo dun mes, contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean que os asisten en relación co monte, achegando, se é o caso, a documentación que consideren conveniente ó respecto.

A Coruña, 14 de febreiro de 2000.

Ana María Díaz López

Secretaria do Xurado Provincial de Montes

Veciñais en Man Común da Coruña

Visto e prace

Alfonso Vázquez-Castro Garma

Instructor