Resolución do Concello de Cervo, pola que se fai pública a convocatoria de licitación para a adquisición de equipos informáticos (hardware + sistema operativo) con destino ás oficinas municipais do Concello de Cervo. Modalidade, contrato de subministración (artículo 172 e seguintes da Lei 13/1995 do 18 de maio).
Para dar cumprimento ó disposto no artigo 326 da Lei de Administración local de Galicia faise público que comeza o antedito proceso de licitación.
Obxecto do contrato: adquisición de equipos informáticos (hardware + sistema operativo) con destino ás oficinas municipais do Concello de Cervo. (15 ordenadores, 15 impresoras, 1 impresora láser para rede, 1 servidor e o cableado de voz e datos por tódalas dependencias municipais da Casa do Concello, tendo en conta que un ordenador estaría conectado on line). Demais características técnicas descritas no prego de cláusulas.
Procedento e forma de adxudicación: procedemento aberto. Tramitación urxente. Forma concurso.
Tipo de licitacion: de 9.500.000 pesetas, IVE e demais tributos e gastos incluídos.
O prego de cláusulas administrativas e prescricións técnicas estará á disposición dos interesados nas oficinas municipais. O prazo para presentar propostas virá determinado pola publicación do anuncio de licitación, en modelo normalizado, no BOP (Lugo).
Para máis información chamar o teléfono: 982 55 77 77, en horario de oficina.
Aclárase, en canto ó servidor, que está prevista a súa adquisición polo sistema de leasing ou arren
damento financeiro. O prezo máximo do servidor será de 1.500.000 pesetas.
O que se fai público para xeral coñecemento.
Cervo, 11 de abril de 2000.
José Insua Pernas
Alcalde