En cumprimento da legalidade vixente, anúnciase concurso público para a contratación dos servicios de impresión de documentación complementaria necesaria para o VII Foro Bolívar da Empresa Latinoamericana e Europea.

1. Entidade adxudicadora:

a) Organismo: Instituto Galego de Promoción Económica (Igape), Barrio de San Lázaro, s/n, 15703

Santiago de Compostela, Tf.: 981 54 11 01, fax: 981 54 11 20.

b) Número de expediente: CP 05/00.

2. Obxecto do contrato: servicios de impresión de documentación complementaria necesaria para o VII Foro Bolívar da Empresa Latinoamericana e Europea.

Prazo de execución: segundo oferta técnica, debendo en todo caso entregarse a documentación no prazo máximo de quince días desde a entrega polo Igape dos modelos e da cifra concreta de exemplares de cada un dos documentos que se vai imprimir.

3. Tramitación, procedemento e forma de adxudicación:

a) Tramitación: ordinaria.

b) Procedemento: aberto.

c) Forma: concurso público.

4. Orzamento máximo de licitación: 3.800.000 ptas. (tres millóns oitocentas mil pesetas), IVE incluído.

5. Garantía provisional: 76.000 ptas.

6. Clasificación: non se esixe.

7. Obtención de documentación e información:

a) Entidade: Instituto Galego de Promoción Económica (Igape).

b) Domicilio: Barrio de San Lázaro, s/n.

c) Localidade e código postal: Santiago de Compostela, 15703 (A Coruña).

d) Teléfono: 981 54 11 01.

e) Telefax: 981 54 11 20.

f) Data límite de obtención de documentos e información: coincide coa data límite de presentación de ofertas.

8. Presentación das ofertas:

a) Data límite de presentación: o prazo de admisión finalizará ás catorce horas do décimo quinto día natural seguinte ó da publicación do anuncio de concurso no Diario Oficial de Galicia. De coincidir en sábado ou domingo o prazo entenderase prorrogado ata as catorce horas do seguinte día hábil.

b) Documentación que hai que presentar: a indicada no prego de cláusulas administrativas particulares.

c) Lugar de presentación: en sobre pechado e selado e dentro do prazo sinalado, presentaranse no rexistro xeral do Instituto Galego de Promoción Económica, ou por correo, anunciando ó órgano de contratación a remisión da oferta mediante telex ou telegrama, que debe ter entrada no Igape antes do termo do prazo de presentación de ofertas, e xustificando a data da imposición do envío na oficina de correos.

d) Prazo durante o cal o licitador estará obrigado a mante-la súa oferta: tres meses desde a apertura das ofertas.

9. Variantes: admítense variantes sobre calidades e mostras do papel, tarxetas portadistintivos, carpetas e maletíns.

10. Apertura das ofertas: en acto público a las 12 horas do quinto día hábil seguinte ó termo do prazo de presentación de ofertas procederase á apertura da documentación administrativa e técnica. En acto público ás 12 horas do décimo día hábil seguinte ó termo do prazo de presentación de ofertas procederase á apertura das ofertas económicas. Na sede do Instituto Galego de Promoción Económica en Santiago de Compostela.

11. Gastos de anuncios: os gastos dos anuncios serán por conta dos adxudicatarios.

Santiago de Compostela, 30 de marzo de 2000.

Margarita Rodríguez Rama

Directora xeral do Instituto Galego de Promoción

Económica