Visto o expediente da revisión salarial, para o ano 2000, do convenio colectivo para a empresa Club de Campo de Vigo, con nº de código 3600302, que tivo entrada nesta delegación provincial o día 21-3-2000, subscrito pola comisión paritaria do convenio, con data do 18-2-2000. De conformidade co disposto no artigo 3 do convenio colectivo e no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial

ACORDA:

Primeiro.-Ordena-la súa inscrición no libro de rexistro e convenios colectivos de traballo, existente nesta delegación provincial, e a notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

Vigo, 27 de marzo de 2000.

Antonio Coello Bufill

Delegado provincial de Pontevedra

Acta da reunión que tivo lugar entre as partes social e económica da empresa Club de Campo de Vigo, sobre revisión da táboa salarial do convenio coelctivo para o ano 2000.

Ás dezaseis horas do día dezaoito de febreiro do ano 2000, reúnense, pola parte económica, Ramón González-Babé Ozores e Enrique Lorenzo Feijóo e, pola parte social, Fernando Barciela Conde e Raimundo Mera Pazos, na sala de xuntas do edificio social da empresa.

Reúnense ámbalas partes para proceder á revisión salarial para o ano 2000, segundo o aprobado no convenio colectivo desta empresa, subscrito o 10 de maio de 1999.

Como resultado desta revisión acórdase o seguinte:

1. A táboa salarial para o ano 2000 queda actualizada cun incremento do 2,25% sobre a do ano 1999, como resultado de aplica-lo 2% do IPC previsto polo Goberno para o ano 2000, mailo 0,25%. A táboa resultante, coa actualización, figura como anexo a esta acta.

2. O complemento de asistencia será de 267 pesetas e o de locomoción de 501 pesetas para o ano 2000, resultado de aplica-lo 2% sobre o do ano 1999.

3. As horas extraordinarias increméntanse no 2% para o ano 2000.

4. Se a cifra real do IPC o 31 de decembro de 2000 superase o 2%, revisarase a táboa salarial no dito exceso. Esta revisión terá efectos do 1-1-2000, e as diferencias resultantes aboaranse nunha soa paga no primeiro trimestre do ano 2001. O complemento de asistencia e o de locomoción será revisado e actualizado no exceso que se produza entre o 2% de incremento aplicado e o IPC real o 31 de decembro de 2000.

E, non habendo máis asuntos que tratar, levántase a reunión.

Táboa salarial do convenio colectivo da empresa

Club de Campo de Vigo

Ano 2000