Dentro do plan de actividades da Escola Galega de Administración Pública para o 2000 e de acordo coas funcións atribuídas pola Lei 4/1987, do 27 de maio, de creación da escola, e pola Lei 10/1989, do 10 de xullo, de modificación da anterior, convócanse conxuntamente varias xornadas sobre a Lei de cooperativas de Galicia, convocatoria que se desenvolverá conforme as seguintes bases:
1. Obxectivos.
Analizar e interpretar, desde a perspectiva xurídica, o réxime das cooperativas sometidas á lei galega, para promove-lo seu coñecemento e facilita-la súa constitución polos empresarios e polos consumidores galegos, como técnica alternativa de organización da empresa social.
2. Contido.
Trataranse estes temas:
Xornadas de Vigo:
-Consideracións xerais sobre a cooperativa galega e sobre a Lei 5/1998.
-Constitución, estructura e organización interna das cooperativas galegas.
-Modificacións estatutarias e estructurais.
-Cooperativas de crédito e de seguros.
-Cooperativas do mar.
-Aspectos xurídico-públicos.
Xornadas de Lugo:
-Consideracións xerais sobre a cooperativa galega.
-Constitución, estructura e organización interna.
-Modificacións estatutarias e estructurais.
-Cooperativas agrarias e de explotación comunitaria da terra.
-Cooperativas de traballo asociado.
-Aspectos xurídico-públicos e tributarios.
Xornada de Pontevedra:
-Caracteres da cooperativa galega, constitución. A posición do socio.
-Réxime económico e órganos.
-Cooperativas agrarias.
-Cooperativas e dereito administrativo/Cooperativas de crédito e de seguros.
Xornada de Ourense:
-Consideracións xerais sobre a cooperativa galega e sobre a Lei 5/1998.
-Constitución, estructura e réxime económico. A posición do socio na cooperativa galega.
-Cooperativas sanitarias.
-Cooperativas de traballo asociado e agrarias.
3. Destinatarios.
Persoal ó servicio da Xunta de Galicia e da Administración local galega e interesados en xeral.
4. Desenvolvemento.
-Horario: mañá e tarde.
-Lugar e datas: as xornadas convocadas desenvolveranse en:
Vigo: 3 e 4 de maio, no salón de actos do Colexio de Avogados de Vigo, sito na r/ Lalín, nº 4, da citada cidade.
Lugo: 9 e 10 de maio, no salón de actos da Delegación de Presidencia en Lugo, sito na Ronda da Muralla, s/n, da citada cidade.
Pontevedra: 15 de maio, no salón de actos da Delegación de Presidencia en Pontevedra, sito na r/ Benito Corbal, 47, da citada cidade.
Ourense: 30 de maio, no salón de actos da Delegación de Presidencia en Ourense, sito na avenida da Habana, nº 79, da citada cidade.
5. Inscrición.
-Prazos: en Vigo: ata o 28 de abril.
-En Lugo: ata o 5 de maio.
-En Pontevedra: ata o 11 de maio.
-En Ourense: ata o 26 de maio.
-Tramitación de solicitudes: as solicitudes irán dirixidas ó director da Escola Galega de Administración Pública, polígono das Fontiñas, rúa de Madrid, 2-4, 15707 Santiago de Compostela, segundo o modelo que figura como anexo a esta convocatoria, e presentaranse no rexistro xeral da EGAP, ou por calquera das formas previstas no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común. Admitiranse tamén inscricións por telefax: 981 54 63 30.
-Número de prazas: limitado á capacidade do local.
-Inscrición fóra de prazo: só se admitirán de quedaren prazas baleiras, coa condición de que se cumpran os requisitos xerais antes indicados.
Os peticionarios poderán obte-la confirmación da súa posible admisión chamando por teléfono o día anterior ó do comezo de cada unha das xornadas, de 10 a 14.45 horas, ós seguintes números: 981 54 62 39/44 ou 981 54 60 40.
6. Modificacións.
A EGAP reserva para si a facultade de interpretar e de resolve-las incidencias que puidesen xurdir no desenvolvemento das xornadas, así como a de cancelalas, se o escaso número de solicitudes non xustificase a súa realización.
7. Certificación de asistencia.
Entregaráselles, ó remate destas xornadas, a aquelas persoas inscritas que concorresen asiduamente a elas, cando a súa asistencia sexa igual ou superior ó 85% das horas lectivas programadas, e expresarase, neste documento, a natureza da actividade e as datas da súa realización.
Santiago de Compostela, 17 de abril de 2000.
Domingo Bello Janeiro
Director da Escola Galega de Administración Pública