Visto o texto da acta asinada o día 2 de marzo de 2000 pola comisión paritaria do convenio colectivo do sector de hostalería da provincia da Coruña, integrada en representación da parte económica pola Asociación de Empresarios de Hostelería de Santiago de Compostela e Comarca, Asociación Provincial de Empresarios de Hostelería de A Coruña, Asociación de Empresarios de Hostelería de Ferrol e Hospeco e da parte social por CC.OO e UXT con fin de corrixir erros detectados na confección das táboas salariais do ano 2000 na sección cuarta: Cafetería, de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo, esta

delegación provincial

ACORDA:

Primeiro.-Ordena-la súa inscrición no libro rexistro de convenios colectivos de traballo existente nesta delegación provincial, e notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

A Coruña, 15 de marzo de 2000.

Mª Reyes Carabel Pedreira

Delegada provincial da Coruña

Na Coruña, o 2 de marzo de 2000, renóvase nos locais da Asociación Provincial de Empresarios de

Hostelería a comisión paritaria do convenio colectivo do sector integrado na parte patronal polas asociacións empresariais da Coruña, Ferrol, Santiago de Compostela (hospedaxe e restauración) e Hospeco, representadas todas elas polo letrado Enrique Cornide Rodríguez e pola parte social integrada polas centrais sindicais UXT, representada por Miguel Cajigal Fariña e por CC.OO, representada por Elvira Martínez Rial que adoptan o seguinte acordo:

Único: que unha vez coñecido o erro padecido na confección das táboas salariais do ano 2000, en concreto na sección cuarta: cafeterías, procédese á súa corrección asinándose neste acto as novas táboas salariais da dita sección cuarta: cafeterías, do convenio colectivo.

Sen máis asuntos que tratar, asínano.

Sección cuarta

Cafeterías