A Consellería de Cultura, Comunicación Social e Turismo, unha vez cumpridos os trámites administrativos correspondentes, resolveu anuncia-la licitación, mediante procedemento aberto por concurso e trámite urxente, dos seguintes contratos de servicios:
1. Restauración da caixoneira da igrexa do Mosteiro de San Salvador e San Rosendo en Celanova (Ourense).
-Orzamento de licitación: oito millóns de pesetas (8.000.000 de ptas.) IVE incluído.
-Prazo de execución: cinco (5) meses.
-Garantía provisional: dispensada.
-Clasificación do contratista: non se esixe.
2. 1ª fase da restauración do retablo Maior de Nosa Señora da Asunción na igrexa do Mosteiro de San Salvador e San Rosendo en Celanova (Ourense).
-Orzamento de licitación: sete millóns de pesetas (7.000.000 de ptas.) IVE incluído.
-Prazo de execución: cinco (5) meses.
-Garantía provisional: dispensada.
-Clasificación do contratista: non se esixe.
3. 1ª fase da restauración do retablo do Rosario da igrexa de Santa Olaia de Arealonga en Vilagarcía de Arousa (Pontevedra).
-Orzamento de licitación: catro millóns cincocentas mil pesetas (4.500.000 ptas.) IVE incluído.
-Prazo de execución: dous (2) meses.
-Garantía provisional: dispensada.
-Clasificación do contratista: non se esixe.
-Exposición da documentación: os pregos de cláusulas administrativas particulares e os pregos de prescricións técnicas estarán de manifesto no Servicio de Obras e Contratación da Consellería de Cultura, Comunicación Social e Turismo, e nas delegacións provinciais durante o prazo de presentación de proposicións, das 10 ás 14 horas, e no teléfono 981 58 89 38.
-Prazo de presentación de proposicións: será ata as 14 horas do décimo terceiro día natural, contado a partir do día seguinte ó da publicación desta resolución no DOG.
-Lugar de presentación de proposicións: no rexistro xeral da consellería, en sobres pechados e asinados polo licitador ou persoa que o represente. Se as proposicións se tramitan por correo, haberá que aterse ó previsto na cláusula 7.2 do prego de cláusulas administrativas particulares.
-Documentación que presentarán os licitadores: a establecida pola cláusula 7 do prego de cláusulas administrativas particulares. Os licitadores que se presenten a máis dunha contratación deberán presentar toda a documentación (sobres A, B e C) para cada unha delas.
-Apertura de proposicións: será realizada pola mesa de contratación ás 11 horas do quinto día natural seguinte ó do remate do prazo de admisión de proposicións na sala de xuntas da Consellería de Cultura, Comunicación Social e Turismo.
Se coincidise en sábado ou festivo, terá lugar o inmediato día hábil seguinte á mesma hora.
O importe do anuncio deste concurso será por conta dos adxudicatarios.
Santiago de Compostela, 28 de marzo de 2000.
P.D. (Orde 15-12-1997)
Andrés González Murga
Secretario xeral da Consellería de Cultura,
Comunicación Social e Turismo