A Consellería de Cultura, Comunicación Social e Turismo, unha vez cumpridos os trámites administrativos correspondentes, resolveu anuncia-la licitación, mediante procedemento aberto por concurso e trámite urxente, dos seguintes contratos de servicios:
1. 1ª fase da restauración do retablo maior da igrexa parroquial de Santa María do Campo en Ribadeo (Lugo).
-Orzamento de licitación: seis millóns de pesetas (6.000.000 de ptas.), IVE incluído.
-Prazo de execución: catro (4) meses.
-Garantía provisional: dispensada.
-Clasificación do contratista: non se esixe
2. Restauración do retablo maior da capela da Concepción de Bañobre en Miño (A Coruña).
-Orzamento de licitación: seis millóns de pesetas (6.000.000 de ptas.), IVE incluído.
-Prazo de execución: catro (4) meses.
-Garantía provisional: dispensada.
-Clasificación do contratista: non se esixe.
-Exposición da documentación: os pregos de cláusulas administrativas particulares e os pregos de prescricións técnicas estarán de manifesto no Servicio de Obras e Contratación da Consellería de Cultura, Comunicación Social e Turismo, e nas delegacións provinciais durante o prazo de presentación de proposicións, das 10 ás 14 horas, e no teléfono: 981 58 89 38.
-Prazo de presentación de proposicións: será ata as 14 horas do décimo terceiro día natural, contado a partir do día seguinte ó da publicación desta resolución no Diario Oficial de Galicia.
-Lugar de presentación de proposicións: no rexistro xeral da consellería, en sobres pechados e asinados polo licitador ou persoa que o represente. Se as proposicións se tramitan por correo, haberá que aterse ó previsto na cláusula 7.2 do prego de cláusulas administrativas particulares.
-Documentación que presentarán os licitadores: a establecida pola cláusula 7 do prego de cláusulas administrativas particulares. Os licitadores que se presenten a máis dunha contratación deberán presentar toda a documentación (sobres A, B e C) para cada unha delas.
-Apertura de proposicións: será realizada pola mesa de contratación ás 11 horas do quinto día natural seguinte ó do remate do prazo de admisión de proposicións na sala de xuntas da Consellería de Cultura, Comunicación Social e Turismo.
Se coincidise en sábado ou festivo, terá lugar o inmediato día hábil seguinte á mesma hora.
O importe do anuncio deste concurso será por conta dos adxudicatarios.
Santiago de Compostela, 31 de marzo de 2000.
P.D. (Orde de 15-12-1997)
Andrés González Murga
Secretario xeral da Consellería de Cultura,
Comunicación Social e Turismo