Rematada a publicación do acordo de concentración parcelaria da zona da Saceda-Lucenza (Cua

ledro-Ourense), resoltos os recursos presentados contra el, e non representando os reclamantes máis do dez por cento da superficie concentrada, a Dirección Xeral de Desenvolvemento Rural resolveu dar posesión provisional dos novos predios, fixándose como data para a toma de posesión o día 15 de maio de 2000. A dita toma de posesión é obrigatoria para tódolos interesados e enténdese sen prexuízo das rectificacións que procedan como consecuencia dos recursos que prosperen (artigo 44 da Lei de concentración parcelaria para Galicia). No caso de que algún propietario non permita a toma de posesión dos predios de substitución no prazo indicado, será obxecto, logo de apercibimento, de compulsión directa, tal e como establece o artigo 45 da citada lei.

Segundo establece o artigo 46 da Lei de concentración parcelaria para Galicia do 14 de agosto de 1985, os interesados poderán reclamar ante este servicio, na rúa Florentino López Cuevillas, 4 e 6 de Ourense, xuntando dictame pericial, sobre diferencias superiores ó dous por cento entre a cabida real dos novos predios e a que conste no expediente de concentración, dentro dos trinta días seguintes á data en que os predios de substitución se poñan á disposición dos participantes para que tomen posesión deles.

Así mesmo, ponse en coñecemento de todos que a posesión dos predios de substitución lles outorga, ós que no acordo de concentración figuren como adxudicatarios, os medios de defensa establecidos nas leis.

En relación coas árbores existentes nos predios recoméndase, na medida do posible, chegar a un acordo entre o que as entrega e o adxudicatario. No caso contrario, poderán ser retiradas polos propietarios das parcelas de contribución dentro dos tres meses seguintes á data da toma de posesión, logo da petición ó Servicio de Montes e Industrias Forestais do preceptivo permiso e o informe favorable do Servicio de Medio Ambiente Natural da Delegación Provincial da Consellería de Medio Ambiente, no caso de seren especies autóctonas protexidas. Transcorrido o referido prazo, entenderase que pertencen ó propietario do novo predio.

Ourense, 13 de marzo de 2000.

Francisco Marín Muñoz

Xefe do Servicio de Estructuras Rurais

Visto e prace

José Manuel Baltar Blanco

Delegado provincial de Ourense