Unión Fenosa, S.A. con domicilio para efectos de notificacións na r/ Sáenz Díez, nº 45, 32003 Ourense, solicitou desta delegación provincial a autorización administrativa e a declaración, en concreto, de utilidade pública da instalación eléctrica de referencia.

No expediente cumpríronse os trámites sinalados no artigo 53 da Lei 54/1997, do 27 de novembro, do sector eléctrico, e os regulamentarios ordenados no capítulo III do Decreto 2617/1966, do 20 de outubro, sobre autorización de instalacións eléctricas, e nos capítulos III e IV do regulamento de aplicación da Lei 10/1966, do 18 de marzo, sobre expropiación forzosa e sancións en materia de instalacións eléctricas, aprobado polo Decreto 2619/1966, do 20 de outubro, de aplicación ó presente expediente segundo o establecido pola disposición transitoria primeira da indicada Lei 54/1997.

Na fase de información pública presentaron alegacións os titulares dos predios números: 21, 26 e 32 da relación de afectados que manifestan por diferentes motivos a súa oposición á traza da liña. As ditas alegacións foron desestimadas polas razóns que se lle notifican a cada afectado en escrito á parte, e que non se transcriben na presente resolución para evitar repeticións.

Vista sobre o terreo a citada traza da liña eléctrica proxectada, obsérvase que naquela non se dá ningunha das prohibicións ou limitacións ás que se refiren respectivamente os artigos 25 e 26 do citado Decreto 2619/1966.

Sendo competente este organismo, con base no Estatuto de autonomía de Galicia, no Real decreto 2563/1982, do 24 de xullo, sobre traspaso de funcións e servicios da Administración do Estado á Comunidade Autónoma galega en materia de industria, enerxía e minas, e no exercicio das competencias atribuídas polos Decretos 2617/1966 e 2619/1966.

RESOLVO:

1. Autorizar a Unión Fenosa Distribución, S.A. o establecemento da instalación eléctrica que conta cos seguintes datos básicos para un orzamento de 36.252.064 ptas.:

-L.M.T. a 20 kV, con 1.245 m de lonxitude, con orixe en apoio nº 8 da L.M.T. proxectada Cambeo-Bóveda e final no C.T. en caseta do Seixo, en conductor LA-56.

-L.M.T. a 20 kV, de 512 m en conductor LA-56, con orixe no apoio nº 4 da L.M.T. proxectada Cambeo-Bóveda e final no C.T. Cambeo I.

-L.M.T. a 20 kV de 217 m en conductor LA-56, con orixe no apoio existente da L.M.T. Penas Albas-Vilarchao-Barra de Miño e final no centro de transformación Serradoiro de Cambeo.

-L.M.T. a 20 kV de 977 m en conductor LA-56, con orixe na L.M.T. existente a Bóveda e final no apoio nº 8 da L.M.T. proxectada.

-Centros de transformación 20.000/380-220 V, de 100, 100 e 400 kVA proxectados respectivamente no Priorato, Cambeo I e Serradoiro, coas súas correspondentes redes de baixa tensión, en conductor R.Z., segundo figura en proxecto.

2. Declara-la utilidade pública, en concreto, da instalación eléctrica autorizada, coas consecuencias establecidas no artigo 54 da Lei 54/1997, do sector eléctrico, de necesidade de ocupación dos bens ou de adquisición dos dereitos afectados e a urxente ocupación para os efectos do artigo 52 da Lei de expropiación forzosa. Igualmente levará implícita a autorización para o establecemento ou paso da instalación eléctrica sobre terreos de dominio, uso ou servicio público, ou patrimoniais do Estado, ou das comunidades autónomas, ou de uso público, propios ou comunais da provincia ou municipio, obras e servicios destes e zonas de servidume pública.

3. Que o representante da Administración, en cumprimento do disposto nos artigos 52 da Lei de expropiación forzosa, do 16 de decembro de 1954, e 31 do Regulamento da Lei 10/1966, do 18 de marzo, dea comezo ó levantamento das actas previas á ocupación, nos días e horas que a cada interesado se lle notifique individualmente, dos predios contidos na resolución desta delegación provincial do 24 de agosto de 1998, que se publicou no DOG do 16-10-1998, no BOP de Ourense do 10-10-1998 e no xornal La Región do 25-9-1998.

Esta resolución non é definitiva en vía administrativa e contra dela poderase interpoñer recurso alzada, perante o conselleiro de Industria e Comercio, no prazo dun mes contado desde o día seguinte ó da súa publicación, conforme o establecido no artigo 114 da Lei 30/1992, do 26 de novembro, de réxime xurídico das administracións públicas e do procedemento administrativo común.

Ourense, 1 de marzo de 2000.

Alfredo Cacharro Pardo

Delegado provincial de Ourense