O punto 1 da base novena da Resolución do 23 de xullo de 1997 (DOG nº 146, do 31 de xullo), modificada pola resolución da División de Recursos Humanos do 28 de decembro de 1998 (DOG nº 6, do 12 de xaneiro de 1999), pola que se convoca concurso-oposición para o ingreso nas clases de inspectores médicos, inspectores farmacéuticos e subinspectores sanitarios do Servicio Galego de Saúde, dispón que, unha vez recibida pola autoridade convocante a proposta de aspirantes que superaron o concurso-oposición, e que quedarán en expectativa de nomeamento ata que se lles adxudique un posto de traballo con destino provisional en atención ás vacantes que se vaian producindo na clase respectiva, pola orde de puntuación final do concurso-oposición, se procederá á publicación no Diario Oficial de Galicia dunha resolución pola que se aprobe a relación de prazas que se ofrecen ós aspirantes seleccionados e cítanse a estes para o acto de elección de destino.

Por todo isto, este centro directivo

ACORDA:

Primeiro.-Aproba-la relación de prazas vacantes que se ofertan ós aspirantes seleccionados no concurso-oposición para o ingreso nas clases de inspectores médicos, inspectores farmacéuticos e subinspectores sanitarios do Servicio Galego de Saúde, que se inclúen no anexo desta resolución, e que

pertencen ás direccións provinciais do Servicio Galego de Saúde.

Segundo.-Convócanse tódolos aspirantes seleccionados das clases de inspectores médicos, inspectores farmacéuticos e subinspectores sanitarios do Servicio Galego de Saúde, para que nun único chamamento e acto elixan obrigatoriamente destino provisional, pola orde de puntuación final do respectivo concurso-oposición, con preferencia en favor dos aspirantes que, de se-lo caso, accedesen polo sistema de promoción interna.

Terceiro.-O acto de elección de destinos terá lugar ás doce horas do día 13 de abril, na sede da División de Recursos Humanos do Sergas, sita en San Lázaro s/n, en Santiago de Compostela.

Cuarto.-Os interesados deberán comparecer provistos do documento nacional de identidade ou doutro documento que concrete de modo fidedigno a súa personalidade. Os aspirantes que non comparezan persoalmente poderán ser representados por terceiras persoas provistas de poder suficiente.

Para este efecto terán a consideración de poder suficiente os poderes notariais ou os poderes outorgados con carácter previo ó acto de elección de destino ante a División de Recursos Humanos do Sergas, mediante comparecencia expresa do poderdante e do apoderado.

Perderán os dereitos derivados da súa participación no concurso-oposición os aspirantes que non soliciten prazas na forma descrita nos puntos anteriores.

No suposto de que algún dos aspirantes seleccionados estivese desenvolvendo outro posto de traballo no sector público, poderá solicitar por escrito, no dito acto de elección, o pase á situación administrativa que corresponda. Para tal efecto, xunto coa solicitude deberá presentar certificación acreditativa de atoparse en situación de activo noutro posto de traballo do sector público con referencia ó día anterior ó da realización do dito acto de elección de destino.

Santiago de Compostela, 30 de marzo de 2000.

Valeriano Martínez García

Director xeral da División de Recursos Humanos

ANEXO