Tralas modificacións producidas nas titularidades de centros directivos desta consellería e nos órganos de goberno das asociacións representativas das corporacións locais de Galicia, faise necesaria a renovación dos seus representantes no Consello de Administración do Instituto Enerxético de Galicia.
Por iso, de conformidade co disposto no artigo 7.2º d) da Lei 3/1999, do 11 de marzo, de creación do Instituto Enerxético de Galicia (Inega).
DISPOÑO:
Artigo 1º
Separar a Ramón Ordás Badía e Ignacio Lizaur Otero das súas condicións de vocais en representación da Consellería de Industria e Comercio no Consello de Administración do Inega, agradecéndolle-los servicios prestados.
Artigo 2º
Separar a Julio Álvarez Núñez, na súa condición de vocal en representación das corporacións locais, agradecéndolle os servicios prestados.
Disposición derradeira
Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, 3 de abril de 2000.
Juan Rodríguez Yuste
Conselleiro de Industria e Comercio