Con data do 20 de marzo de 2000, o Comité Galego de Xustiza Deportiva recibe da Sección Primeira da Sala do Contencioso-Administrativo do Tribunal Superior de Xustiza de Galicia providencia pola que se admite o recurso contencioso-administrativo número 01/0000159/2000, interposto por Gregorio Parrado Bravo, contra a resolución do Comité Galego de Xustiza Deportiva con data do 22 de decembro de 2000 (recurso números 618 e 619) sobre participación no Campionato Galego de Xadrez.

En consecuencia, a Secretaría Xeral para o Deporte acordou nesta data e de conformidade co disposto no artigo 49 da Lei 29/1998, do 13 de xullo, reguladora da xurisdicción contencioso-administrativa, a remisión do expediente administrativo á referida sala, o que se lles notifica para xeral coñecemento a tódalas persoas interesadas no procedemento e son emprazadas para que poidan comparecer como parte en autos na sección primeira da Sala do Contencioso-Administrativo do Tribunal Superior de Xustiza de Galicia, no prazo de nove días.

Santiago de Compostela, 22 de marzo de 2000.

Eduardo Lamas Sánchez

Secretario xeral para o Deporte