Ponse en coñecemento dos propietarios de terreos situados no lugar coñecido como A Revolta no núcleo urbano de Meicende, deste termo municipal, afectados polo plan parcial promovido pola sociedade mercantil Investcos, S.A., representada por José Antonio Souto Meizoso, que desenvolve o sector SAUI-1 das vixentes normas subsidiarias de pla
neamento deste municipio, que a Comisión de Goberno deste concello, en sesión ordinaria do pasado 3 de agosto de 1999, aprobou inicialmente o referido instrumento de planeamento, que dispón o seguinte:
«Primeiro.-Aprobar inicialmente o devandito plan parcial.
Segundo.-Somete-lo expediente a información pública por un período mínimo dun mes, mediante anuncio que se publicará no Diario Oficial de Galicia e nun dos diarios de maior circulación da provincia.
Terceiro.-Emitido informe sobre as alegacións que puidesen producirse, remiti-lo expediente á Consellería de Política Territorial, Obras Públicas e Vivenda para os efectos de emisión de informe preceptivo e vinculante que se sinala no artigo 42.5º da Lei 1/1997, do 24 de marzo, previo á aprobación definitiva do plan».
O que, para os efectos previstos no artigo 59.4º da Ley 30/1992, do 26 de novembro, de réxime xurídico das administracións públicas e do procedemento administrativo común, reformada pola Lei 4/1999, do 13 de xaneiro, notifícase mediante a súa publicación no Diario Oficial de Galicia.
Así mesmo, consonte co previsto no artigo 61 da devandita disposición legal, infórmanse os interesados que poidan ve-los seus intereses e dereitos lexítimos prexudicados polo antedito acordo, que poden coñece-lo seu texto íntegro nas oficinas do Servicio de Urbanismo, situadas na Avda. do Balneario, nº 10-1º, Arteixo, no prazo de dez días contados a partir da publicación deste anuncio.
Arteixo, 20 de marzo de 2000.
P.D. (Decreto 587/1999)
María Isabel Vila Vilas
Primeira tenente de alcalde