Examinados os expedientes iniciados polas escolas familiares agrarias: Piñeiral de Arzúa (titular: Centro Iniciativas para la FASA); Fonteboa de Coristanco (titular: Sociedad Cooperativa de Escuelas Familiares Agrarias de Galicia) e A Cancela das Neves (titular: Centro Iniciativas para la FASA), polos que se solicita o cambio de titularidade dos devanditos centros.

Resultando que mediante escritura pública notarial, Centro de Iniciativas para la FASA e Sociedad Cooperativa de Escuelas Familiares Agrarias de Galicia ceden a súa titularidade, para tódolos efectos, á Federación de Escuelas Familiares Agrarias de Galicia,

Resultando que os expedientes foron tramitados pola Delegación Provincial de Educación e Ordenación Universitaria da Coruña e de Pontevedra, que se uniron a estes os documentos esixidos,

Resultando que os referidos centros docentes teñen a correspondente autorización para impartir ensinanzas.

Vistos o Real decreto 1004/1991, do 14 de xuño (BOE do 26), polo que se establecen os requisitos mínimos dos centros que imparten ensinanzas de

réxime xeral non universitarias, Decreto 133/1995, do 10 de maio (DOG do 22), sobre autorización de centros docentes privados para impartir ensinanzas de réxime xeral non universitarias e a Orde do 20 de setembro de 1995 (DOG do 15 de decembro) que o desenvolve,

Considerando que se cumpriron nestes expedientes tódolos requisitos esixidos pola normativa vixente nesta materia,

Esta consellería, por proposta da Dirección Xeral de Centros e Inspección Educativa

DISPÓN:

Autoriza-lo cambio de titularidade das escolas familiares agrarias: Piñeiral de Arzúa (A Coruña); Fonteboa de Coristanco (A Coruña) e A Cancela das Neves (Pontevedra) a favor de Federación de Escuelas Familiares Agrarias de Galicia con tódolos dereitos e obrigas contraídas polos cesionistas Centro de Iniciativas para la FASA e Sociedad Cooperativa de Escuelas Familiares Agrarias de Galicia, sen prexuízo das responsabilidades que puidesen recaer sobre os anteriores titulares dos centros por actos ou omisións realizados antes do cambio de titularidade que se autoriza.

O cambio de titularidade non afectará o réxime de funcionamento do centro.

Santiago de Compostela, 13 de marzo de 2000.

Celso Currás Fernández

Conselleiro de Educación e Ordenación

Universiaria