Visto o expediente do convenio colectivo do sector de establecementos sanitarios de hospitalización, asistencia, consulta e laboratorios de análises clínicas da provincia da Coruña (código 1500545), que tivo entrada nesta delegación provincial da Consellería de Xustiza, Interior e Relacións Laborais o día 11-2-2000 subscrito en representación da parte económica pola Asociación de Empresarios de Sanidade Privada, e, da parte social, por UGT, CIG e USO, o día 27-1-2000, de conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproaba o texto

refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo, esta delegacion provincial

ACORDA:

Primeiro.-Ordena-la súa inscrición no libro rexistro de convenios colectivos de traballo existente nesta delegación provincial e notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

A Coruña, 21 de febreiro de 2000.

Mª Reyes Carabel Pedreira

Delegada provincial da Coruña

Convenio colectivo provincial de establecementos

sanitarios de hospitalización, asistencia, consulta

e laboratorios de análises clínicas da Coruña

Sanidade privada

Artigo 1º.-Ámbito de aplicación.

Este convenio será de aplicación en toda a provincia da Coruña e establece as normas básicas e regula as condicións mínimas de traballo entre as empresas destinadas a establecementos sanitarios de hospitalización, asistencia, consulta e laboratorios de análises clínicas, coa excepción das institucións da Seguridade Social.

Artigo 2º.-Ámbito funcional.

Este convenio provincial regula as condicións de traballo entre as empresas que desenvolven a súa actividade dentro do grupo de establecementos sanitarios de hospitalización, asistencia, consulta e laboratorios de análises clínicas, coa única excepción das institucións da Seguridade Social.

Artigo 3º.-Ámbito temporal.

A duración deste convenio será de 12 meses, do 1 de xaneiro de 1999 ata o 31 de decembro de 1999, prorrogándose tacitamente a súa vixenca de ano en ano se ningunha das partes o denunciase coa antelación mínima de tres meses desde a data do seu remate.

Aínda que a publicación se produza con posterioridade os efectos económicos retrotaeranse, en todo caso, ó 1 de xaneiro de 1999.

Artigo 4º.-Revisión salarial.

Ano 1999, revisión da táboa salarial en 3 puntos.

Artigo 5º.-Vinculación á totalidade.

Este convenio constitúe un todo orgánico e as partes quedan vinculadas ó cumprimento na súa totalidade.

Se no proceso de homologación a autoridade competente modifica algunha das cláusulas na súa actual redacción, a comisión negociadora deberase reunir para considerar se cómpre a modificación, mantendo a vixencia do resto do articulado do convenio ou se, pola contra, a modificación dalgunha ou dalgunhas obriga a revisa-las condicións recíprocas que as partes acordasen.

Artigo 6º.-Garantía ad personam.

Por seren condicións mínimas as outorgadas neste convenio, respectaranse ad personam as máis beneficiosas consideradas no seu conxunto e cómputo anual.

Artigo 7º.-Dereitos sindicais.

As empresas recoñecerán a tódolos sindicatos debidamente implantados como elementos básicos e consubstanciais para afrontaren a través deles as necesidades relacionadas entre traballadores e empresarios, sempre que aqueles teñan unha afiliación do 15 por cento.

a) As empresas respectarán o dereito de tódolos traballadores e traballadoras a sindicárense libremente, admitirán que os traballadores afiliados a un sindicato poidan realizar xuntanzas, recadar cotas e distribuír información sindical fóra das horas de traballo e sen perturba-la actividade normal das empresas.

Non poderán suxeita-lo emprego dun traballador á condición de que non se afilie ou renuncie á súa afiliación sindical, e tampouco despedir a un traballador ou prexudicalo de calquera outra forma por mor da súa afiliación ou actividade sindical.

Os sindicatos poderán remitir información a todas aquelas empresas que dispoñan de suficiente afiliación, co fin de que esta se distribúa fóra das horas de traballo e sen que o exercicio de tal práctica poida interrompe-lo proceso productivo. Tódolos centros dispoñerán dun taboleiro de anuncios, nos que os sindicatos debidamente implantados poderán inserir comunicación, das que remitirán copia á dirección da empresa.

b) Cota sindical. Por requirimento dos traballadores afiliados a centrais sindicais ou sindicatos que posúan a representación previa no parágrafo anterior, as empresas descontarán na nómina mensual dos traballadores o importe da cota sindical correspondente. O traballador interesado en tal operación remitirá á dirección da empresa un escrito en que expresará con claridade a orde do desconto, a central sindical ou sindicato a que pertence, a contía da cota, así como o número de conta corrente á que se debe transferir esta cantidade. As empresas efectuarán as ditas detraccións, agás indicación en contra, durante períodos dun ano. A dirección da empresa entregaralles copia da transferencia ós representantes do sindicato.

c) Negociación colectiva. Ós cargos de relevancia nacional das centrais implantadas nacionalmente e que participen nas comisións negociadoras dos convenios, mantendo a súa vinculación como traballa

dores en activo dalgunha empresa, seranlles concendidos permisos retribuídos por estas, co fin de lles facilita-lo labor como negociadores e durante o transcurso desta negociación, sempre que afecte a empresa a dita negociación.

d) Excedencias. Podrá solicita-la situación de excedencia aquel traballador que posúa cargo sindical de relevancia provincial a nivel de secretario do sindicato respectivo e nacional en calquera das súas modalidades. Permanecerá en tal situación mentres estea no exercicio do dito cargo, reincorporándose á súa empresa se o solicitase no prazo dun mes, ó remata-lo desempeño deste. En empresas cun cadro de persoal superior a 50 traballadores, os afectados polo remate da súa excedencia cubrirán a primeira vacante que, do seu grupo profesional, se produza no seu cadro de persoal de pertenza, agás pacto individual en contra.

e) Asembleas. O número de asembleas de traballadores que se poderan realizar nas condicións previstas que se establecen no artigo 78 do Estatuto dos traballadores será de seis (6) ó ano, podendo distribuírse as datas da súa celebración na forma que aqueles consideren máis conveniente. O disposto no parágrafo anterior entenderase sen prexuízo dos que establece o último parágrafo do devandito artigo 78.

Artigo 8º.-Comité de empresa.

O comité de empresa é o órgano representativo e colexiado do conxunto dos traballadores e traballadoras na empresa ou centro de traballo para defensa dos seus intereses.

Sen prexuízo dos dereitos e facultades concedidos polas leis, recoñécenselles ós comités de empresa as seguintes funcións:

A) Seren informados pola dirección da empresa.

a) Trimestralmente sobre a evolución xeral do sector económico ó que pentence a empresa sobre a evolución dos negocios e a situación da producción e vendas da entidade, sobre o seu programa de producción e evolución probable do emprego da empresa.

b) Anualmente, coñecer e ter á súa disposición o balance, a conta de resultados, a memoria e no caso de que a empresa revista forma de sociedade por accións ou participación cantos documentos se lles dean a coñecer ós socios.

c) Con carácter previo á súa execución pola empresa, sobre as reestructuracións e as reduccións do cadro de persoal, e sobre os plans de formación profesional da empresa.

d) En función da materia de que se trate:

1. Sobre a implantación ou revisión do sistema de organización do traballo e calquera das súas posibles consecuencias. Estudios de tempo, establecementos de sistemas de primas ou incentivos e valoración de postos de traballo.

2. Sobre a fusión, absorción ou modificación do status xurídico da empresa, cando isto supoña calquera incidencia que afecte o volume do emprego.

3. O empresario facililtaralle ó comité de empresa o modelo ou modelos de contrato de traballo que habitualmente utilice, estando lexitimado o comité para efectua-las reclamacións oportunas entre a empresa e, se é o caso, a autoridade laboral competente.

4. Sobre sancións impostas por faltas moi graves, e en especial, en supostos de despedimento.

5. No referente as estatísticas sobre o índice de absentismo e as súas causas, os accidentes de traballo e as enfermidades profesionais e as súas consecuencias, os índices de sinistrabilidade, o movemento de ingresos, cesamentos e ascensos.

B) Exercer un labor de vixilancia sobre as seguintes materias:

a) Cumprimento das normas vixentes en materia laboral e de Seguridade Social, así como o respecto ós pactos, condicións ou usos da empresa en vigor, formulando, se é o caso, as accións legais oportunas entre a empresa e os organismos ou tribunais competentes.

b) A calidade da docencia e da efectividade desta nos contratos de formación e capacitación da empresa.

c) As condicións de seguridade e hixiene no desenvolvemento do traballo da empresa.

C) Colaborar, como regulamentariamente se determine, na xestión de obras sociais establecidas pola empresa, en beneficio dos traballadores ou dos seus familiares.

D) Colaborar coa dirección da empresa para consegui-lo cumprimento de cantas medidas procuren o mantemento e o incremento da productividade da empresa.

E) Recoñécese ó comité de empresa capacidade procesual, como órgano colexiado, para exercer accións administrativas ou xudiciais en todo o relacionado co ámbito das súas competencias.

F) Os membros do comité de empresa, e este no seu conxunto, observarán o sixilo profesional en todo o referente ás letras a) e c) do punto A) deste artigo aínda despois de deixaren de pertencer ó comité de empresa e en especial en todas aquelas materias sobre as que a dirección da empresa sinale expresamente o carácter reservado.

G) O comité velará non só porque nos procesos de selección de persoal se cumpra a normativa vixente ou pactada, senón tamén polos principios da non discriminación, igualdades de sexo e fomento dunha política racional de emprego.

Artigo 9º.-Garantías sindicais.

a) Ningún membro do comité de empresa ou delegado de persoal poderá ser despedido ou sancionado durante o exercicio das súas funcións nin dentro do ano seguinte ó seu exercicio, ou o seu cesamento, salvo que este se produza por revogación ou dimisión, e sempre que o despedimento ou a sanción se basee na actuación do traballador no exercicio legal da súa representación. Se o despedimento ou calquera

outra sanción por supostas faltas graves ou moi graves obedecesen a outras causas, deberase tramitar expediente contradictorio, no que será oído, á parte do interesado, o comité de empresa ou restantes delegados de persoal e delegados do sindicato a que pertenza, no suposto de estar recoñecido como tal na empresa.

Posuirán prioridade de permanencia na empresa ou centro de traballo, respecto dos demais traballadores, nos supostos de suspensión ou extinción por causas tecnolóxicas ou económicas.

b) Non poderán ser discriminados na súa promoción económica ou profesional por causa ou razón do desempeño da súa representación.

c) Poderán exerce-la liberdade de expresión no interior da empresa nas materias propias da súa representación, podendo publicar ou distribuír, sen pertuba-lo normal desenvolvemento do proceso productivo, aquelas publicacións de interese laboral ou social, comunicándolle todo isto previamente á empresa e exercendo tales tarefas de acordo coa norma legal vixente para o efecto.

d) Dispoñerán dun crédito de horas mensuais retribuídas cada un dos membros do comité ou delegados de persoal en cada centro de traballo, para o exercicio das súas reunións de representación, de acordo coa seguinte escala:

Traballadores/horas.

Ata 100 traballadores: 15 horas.

De 101 a 250 traballadores: 20 horas.

De 251 a 500 traballadores: 30 horas.

De 501 a 750 traballadores: 35 horas.

De 750 traballadores en adiante: 40 horas.

Non se computará dentro do máximo legal de horas o exceso que sobre este mesmo se produza con motivo da designación de delegados de persoal ou membros do comité de empresa como compoñentes de comisións negociadoras de convenios colectivos nos que sexan afectados e, polo que se refire á realización de sesións oficiais, a través das cales transcorran tales negociacións, e cando a empresa en cuestión se vexa afectada polo ámbito de negociación referido.

e) Sen supera-lo máximo legal, poderán ser consumidas as horas retribuídas das que dispoñen os membros do comité de empresa ou delegados de persoal, co fin de preve-la asistencia destes mesmos a cursos de formación ou outras actividades.

f) O total de horas retribuídas dos membros do comité de empresa a que se refire a letra d) poderase acumular para seren desfrutadas por un ou varios dos seus compoñentes sen supera-lo máximo total, sempre que medie acordo ó respecto do comité, debidamente comunicado á dirección da empresa con oito días de antelación ó mes de que se trate, e non supoña alteración grave do réxime laboral desta.

Artigo 10º.-Clasificación profesional.

O persoal a que se refire este convenio será clasificado nos grupos, subgrupos e categorías que figuran na táboa salarial anexa.

Tales categorías teñen carácter acumulativo e non implican a obriga de ter provistas todas elas se a necesidade ou volume do centro non o regulasen.

Cando o traballador de inferior categoría realice funcións de categoría superior ás que lle corresponden á súa categoría, por un período superior a seis meses durante un ano ou oito meses durante dous anos, pode reclamar ante a dirección da empresa a categoría profesional axeitada. Así mesmo, terá dereito á diferencia retributiva entre a categoría asignada e a función que efectivamente realice (Estatuto dos traballadores, artigo 23; ordenanza laboral, artigo 30).

Artigo 11º.-Contrato de traballo.

O contrato de traballo efectuarase por escrito.

Deberán constar por escrito os contratos efectuados para formación por tempo e para obra ou servicio determinado e os contratos a tempo parcial. De non se cumprir tal esixencia, consideraranse efectuados por tempo indefinido.

En todo caso, calquera das partes poderá esixir que o contrato se formalice por escrito, mesmo no transcurso da relación laboral.

Artigo 12º.-Período de proba.

Os ingresos que se acollan na empresa enténdense realizados a título de proba, a cal se rexerá pola seguinte escala:

Técnicos titulados: seis meses.

Resto do persoal, agás non cualificados: un mes.

Persoal non cualificado: 14 días laborables.

Ó persoal que supere o período de proba seralle recoñecida como data de antigüidade a de ingreso na empresa. En todo caso, o persoal en período de proba terá dereito á retribución e demais beneficios correspondentes á súa categoría.

Durante o período de proba, ámbalas partes poderán rescindi-lo contrato sen previo aviso e sen que teña por isto dereito a reclamación ou indemnización ningunha.

Artigo 13º.-Ascensos.

Todo o persoal de empresa terá igualdade de condicións e dereito de preferencia a cubri-las vacantes existentes en calquera dos grupos profesionais destas.

Os ascensos efectuaranse coas condicións seguintes:

a) Titulación axeitada.

b) Coñecemento do posto de traballo.

c) Entrevista persoal.

d) Superar satisfactoriamente as probas que propoña a empresa, as cales se axeitarán ó posto de traballo que se vaia desempeñar.

Artigo 14º.-Licencias.

O traballador, logo de aviso previo e xustificación, poderase ausentar do traballo con dereito a remuneración polos motivos e tempos seguintes:

a) Quince días naturais por casamento.

b) Dous días por casamento de fillos.

c) Un día por casamento de irmáns ou cuñados.

d) Sete días en caso de falecemento do cónxuxe ou de fillos de calquera dos cónxuxes.

e) Seis días por parto da muller.

f) Seis días en caso de falecemento de pais de calquera dos cónxuxes.

g) Un día por casamento dos pais.

h) Dous días en caso de doencia grave ou intervención dos parentes a que se refiren os puntos anteriores, que se poderán ampliar ata sete días cando por tal motivo o traballador precise facer un deprazamento para o efecto.

i) Dous días por falecemento dos avós, netos, tíos, sobriños e curmáns que vivan no mesmo domicilio, senón, un día.

j) Un día ampliable a dous, por traslado de domicilio.

k) Polo tempo indispensable para o cumprimento dun deber de carácter público e persoal, inescusable.

l) Polo tempo indispensable, debidamente xustificado, para se someter a exames en centros de ensino.

m) Cinco días por falecemento de irmáns e cuñados.

Artigo 15º.-Vacacións.

Establécese un período de vacacións para todo o persoal das empresas afectadas por este convenio, que comprenderá 30 días naturais retribuídos conforme a media obtida polo traballador, por tódolos conceptos, en xornada normal, nos tres meses anteriores á data de iniciación destas.

Os departamentos de persoal dos diferentes centros estudiarán, sempre que as necesidades así o permitan, establece-lo período vacacional e de forma rotatoria entre os meses de maio a setembro, ambos incluídos.

En todo caso, e con independencia do punto anterior, as vacacións colleranse preferentemente no período de abril a outubro e en quendas rotatorias por servicios.

Artigo 16ª.-Excedencias.

A excedencia será de dúas clases: voluntaria e especial.

A excedencia voluntaria é a que comprende por motivos particulares do traballador e a pedimento deste, sempre e cando leve traballando un mínimo de un ano na empresa.

A petición de excedencia será resolta pola empresa no prazo máximo dun mes, a partir da data da presentación da solicitude.

Este dereito só poderá ser exercido outra vez polo mesmo traballador se transcorreron catro anos desde o final da anterior excedencia.

O tempo de duración da excedencia voluntaria non poderá ser inferior a un ano nin superior a cinco.

Solicitando o reingreso en tempo hábil polo traballador excedente, se non existisen prazas vacantes de súa categoría, pero si doutra inferior á que antes desempeñaba, poderá ocupar unha das ditas prazas, respectándose as condicións laborais compatibles coa nova categoría e persistindo no seu dereito a ocupa-la primeira vacante que se produza na categoría ordinaria.

Tódolos traballadores terán dereito a unha licencia non retribuída non inferior a un mes e non superior a tres con dereito a reserva do posto de traballo, podendo pospoñerse o seu desfrute por necesidades do servicio.

Este permiso queda condicionado á non coincidencia co período vacacional.

Tampouco non poderá ser utilizado para realiza-la súa actividade profesional noutros centros de traballo.

Artigo 17ª.-Excedencia especial.

Producirase esta situación pola designación ou a elección para un cargo público ou de representación sindical no caso previsto no artigo 7º deste convenio, cando a súa execución sexa incompatible coa prestación de servicios na empresa.

O persoal que estea en situación de excedencia especial terá dereito á reserva do posto de traballo e ó computo, para efectos de antigüidade, de todo o tempo de duración desta, non percibindo durante tal período retribución ningunha.

Os excedentes especiais incorporaranse ós postos de traballo no prazo de 30 días naturais a partir do cesamento no cargo ou función.

Artigo 18º.-Salario base.

O soldo base é o que consta para cada categoría profesional na táboa salarial anexa a este convenio.

Artigo 19º.-Complemento persoal de antigüidade.

Todo o persoal afectado por este convenio percibirá, por este concepto, un cinco por cento do salario base por cada tres anos de servicio na empresa. A data inicial para o cómputo da antigüidade será a de ingreso na empresa.

O importe de cada trienio comezará a retribuírse desde o día 1 do mes seguinte ó seu vencemento.

En caso de que os traballadores con contrato en prácticas ou de formación continuasen ó servicio da empresa ó remataren aquelas, computaráselle-lo tempo traballado en virtude de tales contratos para efectos de antigüidade.

Artigo 20º.-Complemento de traballo nocturno.

Este complemento consistirá no 25 por cento do salario base. Considerarase traballo nocturno o comprendido entre as 22 horas e as 6 horas do día seguinte. Se o tempo traballado dentro do período nocturno fose inferior a catro horas, aboarase exclusivamente sobre as horas traballadas.

Artigo 21º.-Complemento de especialidade, toxicidade, perigo e penosidade.

En razón da maior toxicidade, perigo e penosidade, establécese un complemento retributivo para todo o persoal que desempeñe traballos nalgunha das seguintes seccións ou departamentos: quirófanos, radioelectroloxía, radioterapia, medicina nuclear, citostáticos, laboratorio de análises, unidade de coidados intensivos, hemodiálise, anatomía patolóxica.

A contía do complemento será do 15 por cento do salario base.

Para ter dereito á percepción deste complemento será preciso que a dedicación do productor ó posto de traballo teña carácter exclusivo ou preferente, e en forma habitual ou continuada. Considerarase como continuada a dedicación nas actividades penosas, tóxicas e perigosas dun horario superior á media xornada.

Cando o destino do posto no teña carácter habitual e continuado, só percibirá o complemento en razón dos días en que se desempeñen labores no dito posto e calquera que sexa o número de horas de dedicación a esta durante a xornada.

Este complemento percibirase única e exclusivamente mentres o productor desempeñe a praza ou posto cualificado, e non supoñerá a consolidación persoal do dereito cando o productor que o veña percibindo sexa destinado a posto de traballo ou cualificado como de especialidade.

As empresas comprométense a adoptar as medidas oportunas para reducir no posible a toxicidade, perigo e penosidade no desempeño da prestación polos traballadores.

Artigo 22º.-Gratificacións extraordinarias.

a) Unha paga extraordinaria polo 15 de xullo e outra de Nadal, sendo o importe de cada unha delas dunha mensualildade do salario base máis antigüidade, que se fará efectiva nos días hábiles inmediatamente anteriores a estas datas.

b) Unha gratificación anual en concepto de premio de vinculación ou permanencia por importe dunha mensualidade do salario base máis antigüidade, que se cobrará durante o mes de outubro. Para ter dereito a percepción deste premio de vinculación será preciso ter traballado un ano na empresa.

Artigo 23º.-Horas extraordinarias.

A iniciativa do traballo en horas extraordinarias correspóndelle a empresa e á libre aceptación do traballador.

Terán a consideración de horas extraordinarias as que se realicen sobre a xornada laboral ordinaria. Aboaranse cun incremento do 75 por cento sobre o salario que se corresponde a cada hora ordinaria.

Ámbalas partes acordan a conveniencia de reduciren ó mínimo indispensable as horas extraordinarias, de acordo cos seguintes criterios:

a) Horas extraordinarias habituais: supresión.

b) Horas extraordinarias que veñan esixidas pola necesidade de reparar sinistros e outros danos extraordinarios e urxentes, así como de risco de perda de materiais e materias primas: realización.

c) Horas extraordinarias necesarias por períodos punta de producción, ausencias imprevistas, cambios de quenda e outras circunstancias de carácter estructural derivadas da actividade de que se trata: mantemento, sempre que non caiba utilización das distintas modalidades da contratación temporal ou parcial establecidas pola lei.

Artigo 24ª.-Xornadas de traballo.

A xornada de traballo para as empresas e traballadores afectados por este convenio será de 40 horas semanais, computándose o tempo de descanso (bocadillo) de 15 minutos como traballo efectivo.

Establecerase a xornada continuada durante os meses de xullo, agosto e setembro para tódolos traballadores afectados por este convenio, coa excepción de que os traballadores de consultas e daqueles servicios que, por unhas especiais características e co actual cadro de persoal, non permitisen aquela implantación, caso no que estes traballadores serán compensados cun día libre en cada un dos devanditos meses con independencia do legalmente establecido.

No caso de non existir acordo entre as partes, as súas discrepancias someteranse ó dictame da comisión paritaria.

Correspóndelle á empresa a fixación dos horarios de acordo coas necesidades do servicio.

Artigo 25ª.-Seguridade e hixiene.

Naqueles postos de traballo con especial risco de enfermidade (contaxios, infeccións, etc.) farase revisión médica, polo menos, semestralmente. Ó resto do persoal faráselle a dita revisión, cando menos unha vez ó ano. En caso de se efectua-la revisión fóra das horas de traballo, o tempo empregado non será retribuído.

O recoñecemento aludido levarao a cabo un facultativo elixido polo traballador entre os adscritos á empresa, co debido control por parte do comité de empresa.

O resultado de revisións médicas á que se refire este artigo farase constar nas oportunas fichas de cada traballador, debéndose remiti-lo correspondente informe ó comité de empresa, a pedimento do traballador interesado.

Artigo 26º.-Premios de xubilación.

A xubilación será obligatoria ós 65 anos sempre que o traballador reúna os requisitos para iso.

Concederáselles un premio ós traballadores que se xubilen antes dos 64 anos, de acordo coa seguinte táboa:

Xubilación ós 60 anos cumpridos: 600.000 ptas.

Xubilación ós 61 anos cumpridos: 500.000 ptas.

Xubilación ós 62 anos cumpridos: 400.000 ptas.

Xubilación ós 63 anos cumpridos: 300.000 ptas.

Artigo 27º.-Premios de xubilación.

Os traballadores que fagan 64 anos de idade durante a vixencia deste convenio poderán optar pola modalidade especial de xubilación anticipada ós 64 anos prevista no Real decreto lei 14/1981, do 20 de agosto, comprometéndose as empresas a substituíren simultaneamente ó xubilado por outro traballador nos termos e condicións establecidas na dita norma legal.

Artigo 28º.-Persoal con capacidade diminuída.

Polo que atinxe ó persoal con capacidade física diminuída, non será este un motivo para que este persoal non poida optar a un posto de traballo axeitado ás funcións que poida desempeñar.

Artigo 29º.-Complemento de incapacidade transitoria.

Nos supostos por baixa, por IT (enfermidade común) profesional, maternidade e accidente, sexa ou non de traballo, as empresas aboarán un complemento do 25 por cento da base reguladora da prestación satisfeita pola Seguridade Social, durante todo o tempo en que teña dereito á dita prestación económica, incluídas pagas extraordinarias.

Artigo 30º.-Roupa de traballo e uniforme.

A empresa facilitaralle a todo o persoal o vestiario que este precise (zocos, batas, medias, buzos, etc.), que será renovable cando se precise, pero non poderá superar un ano. De igual xeito, ó persoal que realice traballos especiais será dotado de pezas especiais: luvas, batas, etc.

Sen prexuízo da debida atención e coidado da roupa a que se refire este artigo por parte de cada traballador, o lavado e pranchado desta realizarase na empresa e por conta desta.

Artigo 31º.-Atencións sociais.

A comisión paritaria do convenio estudiará a posibilidade de integra-lo persoal do sector en calquera economato laboral dos existentes ou de nova creación, ou cooperativa de consumo ou institución similar, tan axiña como sexa posible, así como das condicións da súa integración.

O anterior non afectará ós traballadores que estean integrados nalgún dos establecementos citados.

As empresas darán facilidades nas quendas a todos aqueles traballadores que estean realizando estudios.

Recoméndaselles a tódalas empresas o estudio para establecer un seguro de responsabilidade civil para tódolos traballadores afectados por este convenio.

Artigo 32º.-Atrasos.

As empresas afectadas por este convenio dispoñerán de dous (2) meses a partir da súa publicación no BOP para lles liquidar ós seus traballadores os atrasos que se producisen desde o 1 de xaneiro de 1994.

Artigo 33º.-Comisión paritaria.

Estará composta por tres representantes da parte social e outros tres da patronal, acompañados dos seus respectivos asesores, sendo as súas funcións:

a) Interpretación do convenio.

b) Arbitraxe dos problemas ou cuestións que lles sexan sometidos por ámbalas partes, de común acordo en asuntos derivados deste convenio.

A comisión paritaria xuntarase a pedimento de calquera das partes.

Artigo 34º.-Solución extraxudicial de conflictos laborais.

Ante a importancia que ten a resolución pacífica dos conflictos laborais a elaboración do acordo interprofesional galego sobre procedementos extraxudiciais de solución de conflictos colectivos de traballo (AGA), asinado entre a Confederación de Empresarios de Galicia e as Centrais Sindicais CIG, CC.OO., e UGT, as partes asinantes deste convenio durante a súa vixencia acordan someterse para calquera tipo de interpretación do mencionado convenio as fórmulas articuladas no AGA.

Artigo 35º.-Seguro de responsabilidade civil.

As empresas contarán con seguro de responsabilidade civil.

Táboas salariais ano 1999

Categorías	Salario base mes	Salario anual

Grupo A
Director médico	159.149	2.387.241
Director administrativo	159.149	2.387.241
Subdirector médico	154.331	2.314.966
Subdirector administrativo	154.331	2.314.966
Grupo B. Persoal sanitario
Técnicos superiores
Médico xefe departamento	151.918	2.278.767
Médico xefe servicio	144.685	2.170.277
Médico xefe clínico	139.858	2.097.863
Médico adxunto	135.034	2.025.510
Farmacéutico e odontólogos	135.034	2.025.510
Médico residente ou interno	120.569	1.808.531
Titulados de grao medio
Xefe de enfermería	120.569	1.808.531
Subxefe de enfermería	115.108	1.726.615
Supervisora de enfermería	115.108	1.726.615
ATS, enfermeiras	112.134	1.682.011
Matronas	112.134	1.682.011
Fisioterapeutas	112.134	1.682.011
Terapeuta ocupacional	112.134	1.682.011
Técnico FP-2	103.092	1.546.375
Non titulados
Mestre de logofonía	114.864	1.722.953

Categorías	Salario base mes	Salario anual

Mestre de xordos	114.864	1.722.953
Monitor de logofonía	103.691	1.555.367
Monitor de xordos	103.691	1.555.367
Monitor ocupacional	103.691	1.555.367
Monitor educación física	103.691	1.555.367
Auxiliar sanitario, celador	94.049	1.410.740
Auxiliar sanitario Espec.	94.049	1.410.740
Puericultores	94.049	1.410.740
Auxiliar de clínica	94.049	1.410.740
Coidador psiquiátrico	94.049	1.410.740
Grupo C. Persoal técnico non sanitario
Técnicos superiores
Letrado ou asesor xurídico	135.034	2.025.510
Arquitecto	135.034	2.025.510
Enxeñeiro	135.034	2.025.510
Físico e químico	135.034	2.025.510
Economista	135.034	2.025.510
Titulados de grao medio
Titulado mercantil	112.133	1.681.995
Enxeñeiro técnico	112.133	1.681.995
Mestre nacional	112.133	1.681.995
Graduado social	112.133	1.681.995
Asistente social	112.133	1.681.995
Profesor de educación física	112.133	1.681.995
Grupo D. Persoal administrativo
Administrador	154.331	2.314.966
Xefe de sección	151.918	2.278.767
Xefe de negociado	144.689	2.170.339
Oficial administrativo	103.691	1.555.367
Auxiliar administrativo	91.634	1.374.509
Grupo E. Persoal subalterno
Conserxe	108.517	1.627.750
Vixilante nocturno	94.047	1.410.709
Ordenanza	91.634	1.374.509
Porteiro	91.634	1.374.509
Grupo F. Persoal de servicios xerais
Xefe de cociña	108.522	1.627.827
Encargado, xefe de almacén	98.803	1.482.041
Cociñeiro/a, cortadoras	94.047	1.410.709
Telefonista máis de 50 teléfonos	94.047	1.410.709
Telefonista menos de 50 teléfonos	91.634	1.374.509
Pasadoras de ferro	92.840	1.392.601
Costureiras	91.634	1.374.509
Axudante cociña, camareiro/a	91.634	1.374.509
Pinche de cociña	84.446	1.266.993
Fregador, lavadeiras, limpadoras	84.466	1.266.993
Persoal de oficios varios
Xefe de taller	108.522	1.627.827
Electricista	97.664	1.464.954
Calefactor	97.664	1.464.954

Fontaneiro	97.664	1.464.954

Categorías	Salario base mes	Salario anual

Conductor de primeira	97.664	1.464.954
Maquinista	97.664	1.464.954
Albanel	97.664	1.464.954
Pintor	97.664	1.464.954
Carpinteiro	97.664	1.464.954
Conductor de segunda	87.304	1.309.557
Xardineiro	87.304	1.309.557
Perruqueiro	87.304	1.309.557
Axudante destes oficios	87.304	1.309.557
Peón	83.192	1.247.881