A Comisión de Goberno, en sesión celebrada o día vintecatro de xaneiro do ano dous mil acordou prestar aprobación definitiva ó proxecto de urbanización para o desenvolvemento dos terreos sobrantes da zona ferroviaria de Pontevedra, promovido, mediante iniciativa particular, por Promociones Inmobiliarias Renfapex 2000, S.A., e redactado polo arquitecto Manuel Jesús Freijeiro, visado pola delegación en Pontevedra do COAG en data 6-11-1998, desestimándose, por conseguinte e por ese acto, a alegación de suspensión do procedemento, subscrita por José Sanmartín Vidal en interese e beneficio da Comunidade de Herdeiros de Manuel Sanmartín Fontán e María Vidal Solla en función das motivacións e antecedentes de feito expostos, que se incorporan a ese acto, nos termos do artigo 89.5º da Lei 30/1992, do 26 de novembro, en atención á comunicación do Servicio de Reversións do Ministerio de Fomento do 18-11-1999.

O que se fai público para a súa executividade, subliñándose que contra este acto administrativo, que pon fin á vía administrativa, poderase interpoñer ben o recurso potestativo de reposición perante o mesmo órgano que a dictou e no prazo dun mes contado desde o día seguinte ó da súa modificación, consonte o establecido no artigo 116.1º da Lei 30/1992, do 26 de novembro, na redacción dada pola Lei 4/1999, ou ben directamente o recurso contencioso-administrativo perante o Xulgado do Contencioso-Administrativo de Pontevedra no prazo de dous meses, contados a partir do día seguinte ó da

súa notificación, conforme o disposto nos artigos 8.1º e 46.1º da Lei 29/1998, do 13 de xullo.

De se interpoñe-lo recurso potestativo de reposición, este deberá ser resolto e notificado no prazo dun mes segundo se establece no artigo 117.2º da citada Lei 30/1992, modificada pola Lei 4/1999, entendéndose desestimado polo transcurso do mencionado prazo sen resolución expresa, de conformidade co establecido no artigo 43.2º desa Lei 30/1992, podéndose entón interpoñer recurso contencioso-administrativo dentro do prazo de seis meses contado desde o día seguinte a aquel no que se deba entender presuntamente desestimado o recurso de reposición interposto, conforme ó establecido no artigo 46.1º e 4º da Lei 29/1998.

Non obstante, tamén se poderá interpoñer calquera outro recurso que os interesados estimen procedentes consonte o dereito.

Pontevedra, 4 de febreiro de 2000.

P.D.

Xosé Cesáreo Mosquera Lorenzo

Tenente alcalde delegado da área de Urbanismo

e Medio Ambiente

Julio Dapena Outomuro

Secretario xeral