O Consello da Xerencia Municipal de Urbanismo de Vigo, en sesión do día 2 de marzo de 2000, acordou aprobar inicialmente o Plan Parcial SUP P.P. 1 Quirós, no núcleo 16.03 B Quirós (expediente 5254/411), presentado por Miraflores Vigo, S.A. e redactado polo arquitecto José Herrero García, con documentación técnica visada polo COAG o 2 de febreiro de 2000.
Procédese ó trámite de información pública do citado proxecto durante o período dun mes a través de publicación no DOG e nun dos xornais de maior circulación da provincia. Significando que o prazo de exposición entenderase aberto desde a primeira publicación ata o remate do mes contado desde o derradeiro anuncio. A documentación atópase na oficina de Información da Xerencia Municipal de Urbanismo ó dispor do público.
O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que por resultaren descoñecidos ou ignorando o seu enderezo non poidan ser notificados persoalmente.
Vigo, 16 de marzo de 2000.
Lois Pérez Castrillo
Alcalde-presidente da Xerencia
Municipal de Urbanismo