De conformidade coa proposta elevada pola comisión constituída para xulga-lo concurso convocado por resolución desta universidade do 21 de xuño de 1999 (BOE do 7 de xullo) para a provisión da praza de catedrático de universidade, da área de coñecemento de ciencias morfolóxicas, do departamento de Ciencias Morfolóxicas da Universidade de Santiago de Compostela, a Tomás Modesto Marcelo García Caballero, e tendo en conta que o interesado cumpre os requisitos a que alude a alínea 2ª do artigo 5 do Real decreto 1888/1984, do 26 de setembro.

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a Tomás Modesto Marcelo García Caballero catedrático de universidade da área de coñecemento de ciencias morfolóxicas, do departamento de Ciencias Morfolóxicas da Universidade de Santiago de Compostela.

Santiago de Compostela, 9 de marzo de 2000.

F. Darío Villanueva Prieto

Rector da Universidade de Santiago de Compostela