De conformidade coa proposta elevada pola comisión constituída para xulga-lo concurso convocado por resolución desta universidade do 4 de maio de 1999 (BOE do 29 de maio) para a provisión da praza de profesor titular de universidade da área de coñecemento de medicina e cirurxía animal (praza vinculada ó Hospital Clínico Universitario Rof Codina. Área: cirurxía, Lugo), do departamento de Patoloxía Animal, da Universidade de Santiago de Compostela, a favor de Antonio González Cantalapiedra, tendo en conta que o interesado cumpre os requisitos a que alude o punto 2º do artigo 5 do Real decreto 1888/1984, do 26 de setembro;
Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a Antonio González Cantalapiedra profesor titular de universidade da área de coñecemento de medicina e cirurxía animal (praza vencellada ó Hospital Clínico Universitario
Rof Codina. Área: cirurxía, Lugo), do departamento de Patoloxía Animal, da Universidade de Santiago de Compostela.
Santiago de Compostela, 1 de marzo de 2000.
F. Darío Villanueva Prieto
Rector da Universidade de Santiago de Compostela