1. Selección de mellores propostas de quioscos (para a prensa, once e calquera outro tipo) situados na vía pública do ámbito do núcleo histórico da cidade de Santiago de Compostela.
Pode propoñerse unha tipoloxía de quiosco adaptable ós distintos usos posibles e ás súas características específicas (ONCE) ou distintas ideas e deseños segundo o uso previsto.
Premios: establécese un primeiro premio de 300.000 ptas., podendo recoñecerse a calidade doutros traballos coas mencións que o xurado considere oportuno outorgar.
En caso de executarse algunha das propostas premiadas, o Concello de Santiago de Compostela encargaralle ó seu autor a redacción do correspondente proxecto técnico.
2. Selección das propostas máis axeitadas para a supresión de barreiras arquitectónicas no acceso ós espacios públicos dos seguintes edificios singulares do núcleo histórico da cidade de Santiago de Compostela: catedral e pazo arcebispal, San Martiño Pinario, igrexa da Compañía (universidade), San Domingos de Bonaval.
Premios: establécese un premio de 300.000 ptas. para cada un dos edificios, podéndose recoñece-la calidade doutros traballos coas mencións que o xurado considere oportuno outorgar.
Inscrición e cota: non será necesaria a inscrición previa nin o pagamento de cota.
Admisión e data de presentación: poderán participar nos concursos de ideas todas aquelas propostas que sexan presentadas no rexistro xeral do Concello de Santiago de Compostela no prazo de noventa días naturais, que comezará a contar e se entenderá aberto desde o día seguinte á data da última das publicacións que corresponde facer no Diario Oficial de Galicia e no BOP da Coruña.
Bases: Concello de Santiago de Compostela. Departamento de Urbanismo. Teléfono 981 54 23 54.
Santiago de Compostela, 15 de febreiro de 2000.
O alcalde
Rubricado