Conforme o disposto no artigo 79 da LCAP e o acordo da Comisión de Goberno do once de febreiro de 2000, anúnciase a poxa, polo procedemento aberto, para adxudica-las obras da área de ocio de Gabenlle conforme o seguinte contido:
1. Obxecto do contrato: é obxecto do contrato a execución das obras da área de ocio en Gabenlle.
2. Duración do contrato: catro meses.
3. Tipo de licitación: 23.312.273 pesetas.
4. Pagamento: o pagamento farase efectivo da seguinte maneira:
Unión Europea: 16.248.654 ptas.
Administración autonómica: 3.240.406 ptas.
Administración local: 3.823.213 ptas.
5. Garantía provisional: o 2% do tipo de licitación.
6. Garantía definitiva: o 4% do orzamento.
7. Clasificación do contratista: grupo C, subgrupos 2 e 4, categoría C.
8. Prego de condicións: o aprobado polo concello con data do 7-9-1995 e publicado no BOP nº 224, do 28 de setembro.
9. Presentación de proposicións: durante os vinteseis días naturais seguintes ó da publicación no BOP.
10. Apertura de proposicións: terá lugar ás 13 horas do terceiro día hábil seguinte ó da conclusión do prazo de presentación de proposicións, excepto que o día indicado resultase sábado; se é o caso, diferirase ó primeiro día hábil seguinte.
11. Modelo de proposición: Don/dona..., veciño/a de..., no nome propio ou na representación de..., sabedor/a da poxa convocada polo procedemento aberto para a execución das obras da área de ocio en Gabenlle, comprométese a efectua-las obras na forma determinada no prezo de... pesetas (en letra e número).
..., ... de... de 2000.
Laracha, 15 de febreiro de 2000.
José Manuel López Varela
Alcalde