Conforme o disposto no artigo 79 da LCAP e o acordo da Comisión de Goberno do once de febreiro de 2000, anúnciase concurso, polo procedemento aberto, para adxudica-la xestión indirecta do servicio
público da piscina cuberta climatizada de acordo co seguinte contido:
1. Obxecto do contrato: é obxecto do contrato adxudicar, mediante concesión, a xestión indirecta do servicio público da piscina cuberta climatizada.
2. Duración do contrato: catro anos, para contar a partir da data da adxudicación, podendo prorrogarse ata un máximo de seis anos.
3. Tipo de licitación: o canon que o concesionario satisfará ó concello será o que se estableza na proposición.
4. Publicidade do prego de cláusulas administrativas particulares: estará de manifesto tódolos días hábiles nas oficinas municipais, departamento de Contratación.
5. Garantía provisional: 1.000.000 de pesetas.
6. Exposición do prego de cláusulas administrativas particulares: durante os oito primeiros días hábiles seguintes ó da publicación deste anuncio, suspendéndose a licitación no caso de impugnación.
7. Garantía definitiva: 2.000.000 de pesetas.
8. Presentación de proposicións: durante os vinteseis días naturais seguintes ó da publicación do anuncio de licitación no BOP.
9. Apertura de proposicións: terá lugar ás 13 horas do terceiro día hábil seguinte ó da conclusión do prazo de presentación de proposicións, excepto que o día indicado resultase sábado; se é o caso, diferirase ó primeiro día hábil seguinte.
Modelo de proposición: Don/dona..., veciño/a de..., con domicilio..., no nome propio ou na representación de..., sabedor/a do concurso convocado polo procedemento aberto para a adxudica-la xestión indirecta do servicio da piscina cuberta climatizada, por medio de concesión, comprométese a asumi-la dita concesión de acordo co prego de cláusulas administrativas particulares e de prescricións técnicas, ofrecendo:
a) Memoria.
b) Melloras.
c) Detalle de persoal.
d) Canon a favor do concello.
..., ... de... de 2000.
Laracha, 15 de febreiro de 2000.
José Manuel López Varela
Alcalde