En cumprimento do disposto no artigo 2, punto 4º, do Decreto 327/1991, do 4 de outubro, de avaliación dos efectos ambientais para Galicia (DOG nº 199, do 15 de outubro), e durante o prazo de vinte días o órgano ambiental someterá o estudio de efectos ambientais ó trámite de información pública, mediante anuncio no Diario Oficial de Galicia. Na súa virtude,
RESOLVO:
1. Someter a información pública, o estudio de efectos ambientais do proxecto de concesión de explotación Sierra de Pites 4.655-1ª, situado en Melón e Carballeda de Avia (Ourense).
2. Para os devanditos efectos informativos, porase á disposición dos administrados exemplares nas seguintes dependencias:
* Dirección Xeral de Calidade e Avaliación Ambiental.
* Delegación Provincial da Consellería de Medio Ambiente da provincia de Ourense.
* Concellos de Melón e Carballeda de Avia.
3. As alegacións formularanse durante o prazo de vinte días, contando a partir do día seguinte ó da publicación da presente resolución no Diario Oficial de Galicia.
Santiago de Compostela, 16 de febreiro de 2000.
Francisco Pan-Montojo González
Director xeral de Calidade e Avaliación Ambiental