De acordo co disposto na Lei 34/1998, do 7 de outubro, do sector de hidrocarburos, Regulamento xeral do servicio público de gases combustibles, aprobado polo Decreto 2913/1973, do 26 de outubro, artigos 17 da Lei de expropiación forzosa e 56 do seu regulamento, Lei 1/1997, do 24 de marzo, do solo de Galicia e demais normativa específica de aplicación, sométese a información pública o proxecto denominado: Revisión nº 2 da conexión ó centro de mantemento, operación e control, polígono industrial O'Campiño, declarado de utilidade pública polo artigo 103 da citada Lei 34/1998.
Peticionario: Gas Natural SDG, S.A., con enderezo en r/ Capitán Haya, 41; 28020 Madrid.
Por orde do conselleiro de Industria e Comercio, do 12 de outubro de 1993, Enagás, S.A. é titular da concesión administrativa outorgada para a conducción e subministración de gas natural para usos industriais no termo municipal de Pontevedra, concesión que deviu en autorización conforme establece a disposición adicional sexta da Lei 34/1998, do 7 de outubro, do sector de hidrocarburos.
Como consecuencia da escisión de activos realizada por Enagás, S.A. a favor de Gas Natural SDG, S.A., relativa á distribución de gas, esta empresa pasa a se-la titular da dita autorización e, polo tanto, deste proxecto de instalacións.
Obxecto da petición: autorización administrativa e aprobación do proxecto de instalacións: Revisión nº 2 da conexión ó centro de mantemento, operación e control, polígono industrial O'Campiño.
A autorización de instalacións que se solicita comportará, de acordo co que establecen os artigos 103 e 105 da Lei 34/1998, do 7 de outubro, os beneficios da declaración de utilidade pública e a necesidade de ocupación urxente para ó efecto de expropiación forzosa dos bens e dereitos afectados necesarios para o establecemento destas instalacións e da imposición e o exercicio da servidume de paso e doutras limitacións de dominio.
Características das instalacións: esta revisión modifica o proxecto anteriormente aprobado afecta ó termo municipal de Pontevedra e as súas características son as que se expoñen a continuación:
Modificouse o trazado da conexión para mante-lo paralelismo co gasoducto, unha vez coñecido o trazado real deste.
-Entre os vértices VP-111/A e VP-113-A, cun aumento de lonxitude de 12 m.
-Entre os vértices VP-113-A e VP-113-C, cun aumento de lonxitude de 21 m.
Cambiouse a situación do punto de conexión, para situala dentro da parcela correspondente do polígono, o que motivou unha diminución da lonxitude orixinal de 33 m.
Termos municipais afectados:
Pontevedra.
Orzamento: o orzamento ascende a trinta e nove millóns trescentas setenta e catro mil vintecinco pesetas (39.374.025 ptas.).
Afección a predios particulares:
A afección a predios particulares derivada da construcción do gasoducto concrétase na seguinte forma:
Un: expropiación forzosa dos terreos sobre os que se construirán as instalacións fixas en superficie.
Dous: para as canalizacións:
A. Imposición de servidume permanente de paso de gas ó longo do trazado da conducción, cunha anchura de dous (2) metros, un (1) a cada lado do eixe, por onde discorrerá soterrado o encanamento ou encanamentos que se requiran para a conducción do gas. Esta servidume que se establece estará suxeita ás seguintes limitacións do dominio:
1. Prohibición de efectuar traballos de arada ou similares a unha profundidade superior a cincuenta (50) centímetros, así como de plantar árbores ou arbustos a unha distancia inferior a dous (2) metros contados desde o eixe do encanamento.
2. Prohibición de realizar calquera tipo de obras, construcción, edificación ou efectuar acto algún que puidera danar ou perturba-lo bo funcionamento das instalacións, a unha distancia inferior a cinco (5) metros do eixe do trazado, a un e outro lado deste.
Esta distancia poderá reducirse sempre que se solicite expresamente e se cumpran as condicións que, en cada caso, fixe o órgano competente da Administración.
3. Libre acceso do persoal e equipos necesarios para poder manter, reparar ou renova-las instalacións, con pagamento, se é o caso, dos danos que se ocasionen.
4. Posibilidade de instala-los fitos de sinalización ou delimitación e os tubos de ventilación, así coma de realiza-las obras superficiais ou subterráneas que sexan necesarias para a execución ou funcionamento das instalacións.
B. Ocupación temporal dos terreos necesarios para a execución das obras, da franxa que se reflicte para cada predio nos planos parcelarios de expropiación. Nesta zona farase desaparecer, temporalmente, todo obstáculo e realizaranse as obras necesarias para o tendido e instalación da canalización e elementos anexos, executando os traballos ou operacións precisos para os ditos fins.
Tres: para o paso dos cables de conexión e elementos dispersores de protección catódica:
A. Imposición de servidume permanente de paso nunha franxa de terreo dun (1) metro de largo, por onde discorrerán soterrados cables de conexión. Para os leitos dispersores da protección catódica, a franxa de terreo, onde se establece a imposición de servidume permanente de paso, terá como largo, o da instalación máis un (1) metro a cada lado. Estas franxas estarán suxeitas ás seguintes limitacións:
1. Prohibición de efectuar traballos de arada ou similares a unha profundidade superior a cincuenta (50) centímetros, a plantar árbores ou arbustos e realizar calquera tipo de obras, construcción ou edificación a unha distancia inferior a 1,5 metros, a cada lado do cable de conexión ou do límite da instalación soterrada dos leitos dispersores, podendo exerce-lo dereito a talar ou arrinca-las árbores ou arbustos que houbera a distancia inferior á indicada.
2. Libre acceso do persoal e elementos necesarios para poder vixiar, manter, reparar ou renova-las instalacións, con pagamento, se é o caso, dos danos que se ocasionen.
B. Ocupación temporal, coma necesidade derivada da execución das obras, da zona que se reflicte para cada predio nos planos parcelarios de expropiación, e na que se poderá facer desaparecer todo obstáculo, así coma realiza-las obras necesarias para o tendido e montaxe das instalacións e elementos anexos, executando as obras ou operacións precisas para os ditos fins.
Catro: para as liñas de media tensión:
A. Servidume permanente de paso nunha franxa de terreo dun (1) metro a cada lado do eixe da liña e en todo o seu trazado que implicará:
Libre acceso do persoal e elementos necesarios para poder vixiar, manter, reparar ou renova-las ins
talacións, co pagamento se é o caso, dos danos que se ocasionen.
B. Servidume permanente de voo nunha franxa de quince (15) metros centrada co eixe da liña, na que se establecen:
1. Prohibición de levantar edificacións ou construccións de calquera tipo, nin efectuar ningún acto que poida daña-lo bo funcionamento da liña, a unha distancia inferior a sete metros e medio (7,5) do eixe da liña de postes do tendido.
2. Prohibición de plantar árbores cunha altura máxima superior a catro metros, a unha distancia inferior a tres (3) metros do eixe da liña de postes do tendido.
C. Ocupación temporal da superficie que se determina para cada liña nos planos parcelarios, para realiza-las obras necesarias.
O proxecto inclúe planos parcelarios e a relación concreta e individualizada de bens e dereitos afectados segundo se reflicte no anexo.
O que se fai público para coñecemento xeral e especialmente dos propietarios de terreos e demais titulares afectados polo dito proxecto, a dita relación insírese no anexo ó remate deste anuncio, para que poidan examinala nesta Dirección Xeral de Industria da Consellería de Industria e Comercio, edificio administrativo San Caetano, s/n, Santiago de Compostela, e na Delegación Provincial de Pontevedra Eduardo Pondal, 64, e presentar por triplicado nos ditos centros as alegacións que consideren oportunas no prazo de vinte días a partir do seguinte á publicación deste anuncio.
Santiago de Compostela, 23 de febreiro de 2000.
Ramón Ordás Badía
Director xeral de Industria
Relación concreta e individualizada de bens e dereitos afectados.
Proxecto: revisión nº 2 da acometida ó centro de mantemento, operación e control. Polígono industrial O'Campiño.
Termo municipal: Pontevedra.
Predio nº Titular e enderezo Afección Catastro Natureza
L. ml O.T. m Políg. Parcela
490
36158 Pontevedra.
48260 Ermua, Biscaia.
36158 Pontevedra.
48260 Ermua, Biscaia.
36003 Pontevedra.
36158 Pontevedra.
PO-PO-1400 Comunidade de Montes de Marcón, Pte. Manuel Mariño Reguera. Pazos-Marcón. 36158, Pontevedra. 233 2.330 102 489,
Monte alto
PO-PO-1401 COTOPV-Xunta de Galicia. Ed. administrativo San Caetano. 15704 Santiago de Compostela, A Coruña. 11 0 Estrada
PO-PO-1402 Comunidade de Montes de Marcón, Pte. Manuel Mariño Reguera. Pazos-Marcón. 36158 Pontevedra. 913 9.130 100 329 Monte baixo
PO-PO-1403 Amalia Lorenzo Villaverde. Hermida, 31, Marcón.
67 670 100 30 Monte alto
PO-PO-1404 Benito Baltasar Sieiro. Zubiarre, 18-1º Esq. I.
16 160 100 31 Monte alto
PO-PO-1405 Aurelia Villaverde González. Pintos, 48, Marcón.
15 255 100 32 Monte alto
PO-PO-1406 Benito Baltasar Sieiro. Zubiarre, 18-1º Esq. I.
11 110 100 34 Monte alto
PO-PO-1407 Manuel Lorenzo Villaverde. R/ Eduardo Pondal, 37-5º A.
5 80 100 35 Monte alto
PO-PO-1408 Comunidade de Montes de Marcón, Pte. Manuel Mariño Reguera. Pazos-Marcón. 36158 Pontevedra. 60 520 100 330 Monte alto
PO-PO-1409 Descoñecido 22 250 100 324 Monte alto
PO-PO-1410 Amelia Pérez Lusquiños. Hermida-Marcón.
63 630 100 45 Monte alto
PO-PO-1411 Xestur. Instituto Galego da Vivenda e Solo. R/ Urzáiz, 18-2º. 36201 Vigo, Pontevedra. 515 0 Vial
Relación concreta e individualizada de bens e dereitos afectados. Instalacións auxiliares.
Proxecto: revisión nº 2 da acometida ó centro de mantemento, operación e control. Polígono industrial O'Campiño.
Termo municipal: Pontevedra.
Predio nº Titular e enderezo Afección Catastro Natureza
L. ml O.T. m Exp. m Políg. Parcela
490
PO-PO-1400 Comunidade de Montes de Marcón, Pte. Manuel Mariño Reguera. Pazos-Marcón. 36158 Pontevedra. 0 0 4 102 489,
Monte alto
PO-PO-1411 Xestur. Instituto Galego da Vivenda e Solo. R/ Urzáiz, 18-2º. 36201 Vigo, Pontevedra. 0 0 4 Vial
