Aprobado por Resolución da Alcaldía de data de hoxe o prego de cláusulas administrativas particulares que rexerán no concurso, con procedemento aberto e trámite ordinario, para contrata-la prestación do servicio de recolla, internamento, manutención e control hixiénico-sanitario dos cans abandonados no Concello de Redondela, exponse ó público por prazo de 8 días contados a partir do seguinte hábil ó da derradeira publicación deste anuncio no BOP ou no Diario Oficial de Galicia.

Simultaneamente anúnciase o concurso, ben que a licitación se aprazará, cando resulte necesario, no suposto de que se formulen reclamacións contra o prego.

1. Entidade adxudicadora.

a) Organismo: Concello de Redondela (Pontevedra).

b) Dependencia: Sanidade.

2. Obxecto do contrato.

a) Descrición: contratación da prestación do servicio de recolla, internamento, manutención e control hixiénico-sanitario dos cans abandonados no Concello de Redondela.

b) Lotes: non.

c) Lugar de execución: Redondela (Pontevedra).

d) Prazo de execución: 4 anos.

3. Tramitación, procedemento e forma de adxudicación.

a) Tramitación: ordinaria.

b) Procedemento: aberto.

c) Forma: concurso.

4. Orzamento base de licitación.

Importe total: 3.100.000 pesetas.

5. Garantías.

a) Provisional: 2% do orzamento máximo do contrato.

b) Definitiva: 4% do orzamento máximo do contrato.

6. Obtención de documentación e información.

a) Entidade: Concello de Redondela (Negociado de Sanidade).

b) Domicilio: Alfonso XII, nº 2.

c) Localidade e código postal: Redondela, 36800.

d) Teléfono: 986 40 03 00.

e) Telefax: 986 40 38 94.

f) Data límite de obtención de documentación e información: ata o día de remate do prazo de presentación de proposicións.

7. Requisitos específicos do contratista.

a) Clasificación: non se esixe.

b) Outros: acreditar solvencia económica, financeira e técnica profesional.

8. Presentación de ofertas.

a) Prazo: 26 días naturais contados a partir do seguinte ó da derradeira publicación deste anuncio no BOP ou no Diario Oficial de Galicia.

Se o último día do prazo cadrara en sábado ou inhábil entenderase prorrogado ó primeiro día hábil seguinte.

b) Documentación: a esixida no prego de cláusulas administrativas particulares.

c) Lugar de presentación:

-Entidade: Concello de Redondela.

-Domicilio: Alfonso XII, 2.

-Localidade e código postal: Redondela 36800.

d) Prazo durante o que o licitador está obrigado a mante-la súa oferta: 3 meses contados desde a apertura de proposicións.

e) Admisión de variantes: non.

9. Apertura de ofertas.

a) Entidade: Concello de Redondela.

b) Domicilio: Alfonso XII, 2.

c) Localidade: Redondela (Pontevedra).

d) Data: o día seguinte hábil, non sábado, ó do remate do prazo de presentación de ofertas.

e) Hora: 12 horas.

10. Outras informacións.

O modelo de proposicións axustarase á cláusula 11ª do prego de cláusulas administrativas particulares.

11. Gastos de anuncios.

Serán por conta do adxudicatario.

Redondela, 29 de febreiro de 2000.

Xaime Rei Barreiro

Alcalde