Aprobado inicialmente o prego de cláusulas económico-administrativas, que rexerá na contratación que se menciona no presente edicto, en Pleno de data 30-12-1999, faise público que poderán ser obxecto de exame e reclamacións, na secretaría deste concello, durante o período de oito (8) días hábiles, contados a partir do seguinte ó da publicación do presente no BOP ou DOG de conformidade co establecido no artigo 122 do Real decreto lexislativo 781/1986, do 18 de abril.
Igualmente e, coa excepción do disposto no 122.2º do 781/1986, anúnciase a contratación dos traballos de consultoría e asistencia consistentes na redacción do plan xeral de ordenación municipal no Concello de Guntín de Pallares.
1. Entidade adxudicataria: Concello de Guntín, dependencia que tramita o expediente: Secretaría.
2. Obxecto: execución por contrata dos traballos de consultoría e asistencia consistentes na redacción do plan xeral ordenación municipal no Concello de Guntín de Pallares.
3. Prazo de execución final: 30 outubro de 2002.
4. Tramitación, procedemento e forma de adxudicación:
Tramitación: ordinaria.
Procedemento: aberto.
Forma: concurso.
5. Orzamento base de licitación: 9.801.000 pesetas.
6. Garantías:
Provisional: 2% (dous por cento do orzamento de licitación, que supón 196.120 pesetas).
Definitiva: 4% (catro por cento da adxudicación).
7. Obtención de documentación e información:
Entidade: Concello de Guntín. Rúa Estrada de Santiago, nº 12; C.P. 27.211. Teléfono: 982 32 00 01. Fax: 982 32 00 88.
Data límite de obtención de información: día hábil anterior ó de finalización do prazo de presentación de ofertas.
8. Requisitos específicos do contratista.
Clasificación: non se esixe.
8.1. Outros requisitos: os especificados no prego de cláusulas.
9. Presentación de ofertas:
Data límite: 26 (vinteseis) días naturais desde o seguinte ó da publicación do presente anuncio no BOP ou DOG. Se o último fose inhábil ou sábado, o prazo finalizará o primeiro día hábil seguinte.
9.1. Documentación que se presentará: a que sinala o prego de condicións.
9.2. Lugar de presentación: Concello de Guntín (rexistro xeral, de 10 a 14 horas). Admítense as propostas presentadas por correo, dentro do mesmo prazo, pero o empresario deberá xustifica-la data da imposición do envío na oficina de correos, anunciando o concello a remisión de oferta mediante fax, télex, ou telegrama, no mesmo prazo.
Igualmente serán admitidas aquelas que o efectúen nos organismos regulamentariamente establecidos para o efecto, debendo en todo caso, notificalo na forma sinalada anteriormente.
Datos do lugar de presentación: figuran no punto 7.
O prazo en que o licitador estará obrigado a mante-la oferta: un mes desde que remate o prazo de presentación.
9.3. Apertura de documentación: 3º día hábil (agás sábados) seguinte ó do remate do prazo de presentación ás 12 horas, pola mesa de contratación na sede do concello.
10. Outras informacións: Concello de Guntín: Secretaría.
11. Gastos de anuncios: adxudicatario.
Guntín de Pallares, 28 de febreiro de 2000.
Jesús Carreira Ferreiro
Alcalde