Con data do 2 de febreiro de 2000, o presidente do Xurado Provincial de Montes Veciñais en Man Común de Pontevedra recibe do Xulgado do Contencioso-Administrativo nº 2 de Pontevedra providencia do día 27 de xaneiro de 2000, pola que se admite o recurso contencioso-administrativo de referencia P. ordinario nº 270/1999 L, interposto pola Comunidade de Montes de Muimenta, Painceiros, Armonda e Lamosa contra resolución do Xurado Provincial de Montes Veciñais en Man Común con data do 13-10-1999, desestimatorio do recurso de reposición interposto contra Resolución con data do 21-7-1999, que acordou a inadmisión a trámite da solicitude de revisión de oficio do acordo do mesmo xurado con data do 3-6-1998, relativo ós montes Coto Deiras, Conla e Calvelo, do concello de Campo Lameiro.

De conformidade co disposto no artigo 48 e 49 da Lei 29/1998, do 13 de xullo, reguladora da xurisdicción contencioso-administrativa, esta presidencia acordou a remisión do correspondente expediente administrativo á referida sala.

O que se notifica para xeral coñecemento de tódalas persoas interesadas no procedemento, que quedan emprazadas para que poidan presentarse e comparecer en forma nos autos no Xulgado do Contencioso-Administrativo nº 2 de Pontevedra, no prazo de nove días.

Pontevedra, 21 de febreiro de 2000.

José Luis Díez Yáñez

Delegado provincial de Pontevedra

Presidente do xurado