A Comisión de Goberno, en sesión do catorce de febreiro do dous mil aprobou, con carácter inicial, o proxecto de urbanización, formulado por Corvorana, Sociedad Cooperativa Limitada, coa finalidade de levar á práctica o Plan parcial do polígono B-10 do Plan xeral de ordenación urbana/Finca A Corva-San Brais, e redactado polos arquitectos José Vicente Rodríquez Pagán e Daniel Gómez Ayuso, con visado da Delegación en Pontevedra do COAG do 22-11-1999 e novos planos nº 04b, 12b, 13b, 16b e documento de medicións e orzamento, que anulan e reforman os correlativos daquel, están subscritos tamén polos arquitectos autores deste e intervidos polo seu colexio profesional o 11-1-2000, dipoñéndose o seu sometemento a información pública.

Durante o prazo dun mes, contado a partir da publicación deste anuncio no Diario Oficial de Galicia, calquera interesado poderá examinar no Servicio Municipal de Urbanismo, Medio Ambiente e Patrimonio Histórico (Fomento) rúa Churruchaos a documentación inicialmente aprobada e formula-las alegacións que coide pertinentes.

Pontevedra, 6 de marzo de 2000.

P.D. (Resolución 5-7-1999)

Xosé Cesáreo Mosquera Lorenzo

Tenente alcalde delegado da Área de Urbanismo

e Medio Ambiente

Julio Dapena Outomuro

Secretario xeral