A Comisión de Goberno, en sesión do 7-2-2000, adoptou o seguinte acordo:
«Primeiro.-Prestar aprobación, con carácter definitivo, ó proxecto de estatutos e de bases de actuación da futura xunta de compensación da unidade de execución 11 do PXOU comprendida entre as rúas da Estrada e San Amaro e formulado polas entidades mercantís Obras y Edificaciones Boa Vila, S.L. e Promociones Doela, S.L., actuando en nome e representación de propietarios que representan máis do 50% da superficie da citada unidade de actuación, facéndose constar que o texto definitivo do proxecto de estatutos e de bases é o publicado no BOP nº 196, do 11-10-1999.
Segundo.-Designar, como representante desta administración, no órgano rector da xunta, o tenente de alcalde da Área de Urbanismo e Medio Ambiente,
Xosé Cesáreo Mosquera Lorenzo ou quen no sucesivo asuma este cargo, o cambio do cal lle notificaría oportunamente á xunta.
Terceiro.-Requirirlles ós propietarios afectados a constitución, mediante escritura pública, da xunta de compensación da unidade, no prazo de tres meses desde que sexa firme en vía administrativa o acto de aprobación de estatutos e bases.
Cuarto.-Requirir a Inversiones de Galicia Sur, S.A., José Acuña Sastre, Cándido Acuña Sastre, Inocencio Calviño Gutiérrez e Laura Barreiro Gulías, na súa condición de propietarios afectados pola xestión desta unidade de actuación número 11, que non solicitaron a súa incorporación á xunta de compensación do devandito polígono urbanístico, para que así o efectúen, se o desexan, no prazo dun mes, contado desde a notificación deste acordo.».
O que se fai público para a súa executividade, significándose que contra este acto, que pon fin á vía administrativa, poderá interpoñer directamente quen se considera lexitimado o recurso contencioso administrativo perante a Sala do Contencioso-Administrativo do Tribunal Superior de Xustiza de Galicia no prazo de dous meses, contados desde o día seguinte ó da publicación do texto íntegro da disposición impugnada, consonte o establecido nos artigos 10.1.6) e 46.1º da Lei 29/1998, do 13 de xullo, reguladora da xurisdicción contencioso-administrativa.
Non obstante, tamén se poderá interpoñer calquera outro recurso que os interesados coiden procedente con arreglo a dereito, significando que o artigo 107.3º da Lei 30/1992, de réxime xurídico das administracións públicas e do procedemento administrativo común, segundo a redacción dada pola Lei 4/1999, de modificación da anterior, non admite a interposición de recursos en vía administrativa contra as disposicións administrativas de carácter xeral.
Pontevedra, 1 de marzo de 2000.
P.D.
Xosé Cesáreo Mosquera Lorenzo
Tenente alcalde delegado
da Área de Urbanismo e Medio Ambiente
Julio Dapena Outomuro
Secretario xeral