A Comisión de Goberno, en sesión do día trinta e un de xaneiro do ano dous mil, acordou prestar aprobación definitiva ó proxecto de urbanización da unidade de actuación nº 29 do Plan xeral de ordenación urbana-Ponte Bolera, formulado por José García Blanco, Carlos Romero García e Valentín González Dacal, redactado polos arquitectos Ricardo Aguilar Argenti e Enrique Barreiro Álvarez, visado pola Delegación en Pontevedra do COAG o 28-7-1998.
O que se fai público para a súa executividade, subliñándose que contra este acto administrativo, que pon fin á vía administrativa, se poderá interpoñer ben o recurso potestativo de reposición perante o mesmo órgano que a dictou e no prazo dun mes
contado desde o día seguinte ó da súa modificación, consonte o establecido no artigo 116.1º da Lei 30/1992, do 26 de novembro, na redacción dada pola Lei 4/1999, ou ben directamente o recurso contencioso-administrativo perante o Xulgado do Contencioso-Administrativo de Pontevedra no prazo de dous meses, contados a partir do día seguinte ó da súa notificación, conforme o disposto nos artigos 8.1º e 46.1º da Lei 29/1998, do 13 de xullo.
De se interpoñe-lo recurso potestativo de reposición, este deberá ser resolto e notificado no prazo dun mes segundo se establece no artigo 117.2º da citada Lei 30/1992, modificada pola Lei 4/1999, entendéndose desestimado polo transcurso do mencionado prazo sen resolución expresa, de conformidade co establecido no artigo 43.2º desa Lei 30/1992, podéndose entón interpoñer recurso contencioso-administrativo dentro do prazo de seis meses contados desde o día seguinte a aquel no que se deba entender presuntamente desestimado o recurso de reposición interposto, conforme o establecido no artigo 46.1º e 4 da Lei 29/1998.
Non obstante, tamén se poderá interpoñer calquera outro recurso que os interesados coiden procedentes consonte a dereito.
Pontevedra, 10 de febreiro de 2000.
Raimundo González Carballo
Alcalde accidental
Julio Dapena Outomuro
Secretario xeral