Visto o expediente de cambio de dominio que a continuación se menciona, instruído para efectos de transmisión da concesión administrativa pertinente e do establecemento que a ampara.
Tendo en conta que a empresa Demarca, S.L. obtivo a autorización previa de transmisión da titularidade con data 30-1-1998 e que foi acreditada a transmisión de dereitos invocada e aboado o imposto correspondente.
Tendo en conta que con data 15-12-1997 o Ministerio de Medio Ambiente concede a autorización de transmisión a favor de Mariscos Cordal, S.L. para a ocupación de 556 m de dominio público marítimo terrestre.
Vista a Lei 6/1993, do 11 de maio, de pesca de Galicia (DOG nº 101, do 31).
Vista a Lei 22/1998, do 28 de xullo, de costas.
Esta consellería, en virtude das atribucións conferidas, e tendo en conta os informes que constan no expediente, á vista do informe do Servicio Técnico-Xurídico
RESOLVE:
Acceder ó solicitado, outorgándolle á entidade Mariscos Cordal, S.L. con CIF (B-36048528), a titu
laridade do permiso de actividade e concesión administrativa do seguinte establecemento:
Tipo de establecemento: depuradora de moluscos.
Localización: O Facho-Castrelo-Cambados (Pontevedra).
Data da concesión: Orde do 1-9-1989 (DOG nº 200, do 18 de outubro).
Data do remate da concesión: 18-10-1999.
Anterior concesionario: Demarca, S.L.
Novo titular da concesión: Mariscos Cordal, S.L.
O novo titular quedará subrogado nos mesmos dereitos e obrigas do anterior concesionario. Consta anotación preventiva de embargo ordenado polo Xulgado de Primeira Instancia e Instrucción número dous de Cambados executivo ce letras de cambio 292/1997.
Esta resolución pon fin a vía administrativa segundo o artigo 109 da Lei 30/1992, do 26 de novembro, de réxime xurídico das administracións públicas e do procedemento administrativo común e de conformidade co artigo 58 da Lei de xurisdicción contencioso-administrativa poderase interpor recurso contencioso-administrativo ante o Tribunal Superior de Xustiza de Galicia no prazo de dous (2) meses, contados a partir do día seguinte ó de notificación da presente resolución, logo de comunicación o órgano que adoptou o acto impugnado, de conformidade co artigo 110.2º da Lei 30/1992.
Vigo, 14 de setembro de 1999.
P.D. (Orde 14-6-1999, DOG 120, do 24)
Rosa Mª Quintana Carballo
Delegada territorial de Pontevedra