Para os efectos previstos no artigo 28 do Regulamento para a execución da Lei 13/1989, do 10 de outubro, de montes veciñais en man común, o Decreto 260/1992, do 4 de setembro, e de conformidade co disposto no artigo 60.1º da Lei 30/1992, do 26 de novembro, de réxime xurídico das administracións públicas e do procedemento administrativo común, faise público que o Xurado Provincial de Montes Veciñais en Man Común de Lugo, na sesión que tivo lugar o 14 de decembro de 1999 na sala de xuntas da delegación provincial da Consellería de Medio Ambiente, baixo a presidencia do vocal Emilio Sánchez Coto, e coa asistencia dos vocais Manuel Martínez Garrido, Manuel Veiga Franco, José Antonio Illán Torrón e do secretario
Luis Quiroga Arnal, dictou a resolución de clasificar como veciñais en man común os montes seguintes:
Expediente número 3/1998:
Denominación: monte de Vilasante.
Pertenza: veciños do lugar de Vilasante.
Parroquia: Vilasante.
Concello: Cervantes.
Superficie: 100 hectáreas.
Estremas.
Norte: regueiro de Navallos que o separa do monte do lugar de Fabal, rego da Arqueira e predios particulares. Leste: predios particulares e monte do lugar de Vilar de Cucos. Sur: monte do lugar de Vilar de Cucos e termo das Nogais. Oeste: termo das Nogais e regueiro de Navallos que o separa do monte do lugar de Fabal.
Expediente número 5/1998:
Denominación: montes Taro Blanco e Forcadas.
Pertenza: veciños do lugar de Meiraos.
Parroquia: Meiraos.
Concello: Folgoso do Courel.
Superficie: 219 hectáreas.
Estremas e perímetros.
Parcela Taro Blanco-125 hectáreas:
Norte: limitando co monte Taro Blanco pertencente ós veciños do lugar de Vilasivil, sobe segundo unha lomba cara ó nordés desde os predios particulares de Meiraos ata o alto de Taro Blanco de onde baixa na mesma dirección ata Fonte do Lago. Aquí empeza a dividir cara ó leste co monte de Vilela. Leste: segue dividindo co monte de Vilela cara ó surleste faldreando por enriba dos prados de Vilela ata a lomba das de Xanfrán. Aquí empeza a dividir co monte de Piñeira co que segue cara ó sur faldreando por enriba dos prados de Barreiro, sobe á lomba de Barreiro a Coto e baixa a media faldra cara ó suroeste ata Valdavellas. Sur: desde Valdavellas segue cara ó suroeste dividindo co monte de Piñeira ata Castro de Cousoliños onde empeza a dividir cos predios particulares de Meiraos. Oeste: limita cos predios particulares de Meiraos.
Parcela Forcadas-94 hectáreas:
Norte: limitando de oeste a leste co monte Penido pertencente ós veciños do lugar de Vilasivil, desde Chao Grande de Penido por unha lomba cara ó nordés ata o río Pequeno. Leste: limita co río Pequeno e predios particulares de Meiraos. Sur: desde preto do río Pequeno e Forcadas limitando con monte de Seoane sobe cara ó suroeste ata Lamelas. Oeste: desde Lamelas subindo cara ó noroeste pola lomba do mesmo nome divide co monte de Mercurín ata Castro do Brío, segue limitando cara ó noroeste co monte de Mercurín por Subpenela ata subir a Chao Grande de Penido.
Expediente número 7/1998:
Denominación: montes Serra Pequena e Porto dos Lobos.
Pertenza: veciños da parroquia de Chao de Fabeiro.
Concello: Monforte de Lemos.
Superficie: 20 hectáreas.
Estremas e perímetros.
Parcela Serra Pequena-1 hectárea:
Norte: monte propiedade particular dos veciños de Chao de Fabeiro. Leste: monte propiedade particular dos veciños de Chao de Fabeiro. Sur: monte propiedade particular dos veciños de Chao de Fabeiro. Oeste: monte propiedade particular dos veciños de Chao de Fabeiro. Esta parcela está situada na parte máis alta do promontorio coñecido polo mesmo nome.
Parcela Porto dos Lobos-19 hectáreas:
Norte: punto de encontro entre os camiños coñecidos como Camiño tras da Serra e Camiño das Pedreiras. Leste: Camiño tras da Serra e predios particulares de Chao de Fabeiro. Sur: predios particulares de veciños de Chao de Fabeiro, no lugar coñecido como Alto do Papuxo Oeste: predios particulares de veciños de Chao de Fabeiro, no lugar coñecido como Campo do Val e como Pedreiras.
Por unanimidade acórdase deixar pendente para a próxima sesión do Xurado, a posible clasificación da parcela San Martiño, na que se atopa un enclavado de 10 hectáreas conveniadas pola Consellería de Agricultura, Gandería e Montes, coa comunidade dos lugares de Marexe e Vilamaior, parroquia de Fiolleda, para os montes Serra de Marexe, Vilamaior e Serra de Cubas (2715732), e dirixirse ás dúas comunidades implicadas para que acheguen documentación acreditativa da súa pertenza.
Expediente número 8/1998:
Denominación: montes Grande, Pedroso e Queimado.
Pertenza: veciños da parroquia de Distriz.
Concello: Monforte de Lemos. Superficie: 102 ha.
Estremas.
Norte: monte comunal da parroquia da Vide. Leste: predios particulares de Distriz e Mañente (Pantón). Sur: camiño veciñal entre Distriz e a parroquia da Vide, e predios particulares de Distriz. Oeste: camiño veciñal entre Distriz e a parroquia da Vide.
Expediente número 16/1998:
Denominación: monte Foro de Santo Tomé.
Pertenza: veciños do lugar de Santo Tomé de Cancelada.
Parroquia: Cancelada.
Concello: Cervantes.
Superficie: 40 hectáreas.
Estremas.
Norte: termo municipal das Nogais e predios particulares. Leste: predios particulares. Sur: monte de Queirogal. Oeste: termo municipal das Nogais.
Expediente número 23/1998:
Denominación: monte de Pol.
Pertenza: veciños do lugar de Pol.
Parroquia: Baamorto.
Concello: Monforte de Lemos.
Superficie: 56 ha.
Estremas.
Norte: monte Ferroedo 27155056, pertencente á comunidade de Fiolleda e conveniado coa Xunta de Galicia, e monte veciñal en man común da parroquia de Fiolleda. Leste: predios particulares do lugar de Pol. Sur: predios particulares do lugar de Pol.
Oeste: camiño veciñal, río Barrantes e predios particulares do lugar de Pol.
Expediente número 1/1999:
Denominación: monte de Gilfonso ou Cabalar.
Pertenza: veciños da parroquia do Pereiro.
Concello: Alfoz.
Superficie: 229 hectáreas.
Estremas e descrición do perímetro.
Norte: comezando no lugar chamado Carballo da Veiga Rubia, segue por Penas do Campo da Cruz Derriba, atravesando a estrada Ferreira-Abadín chega ata a Fonte de Gilfonso. Leste: desde a Fonte de Gilfonso, segue por Laxes de Gilfonso, Penas ou Pasos do Cabradoiro e chega ata o Porto da Moradoira. Sur: lindando co monte parcelado dos veciños desta parroquia do Pereiro, desde o Porto da Moradoira, por Pena Abaladora, atravesando a estrada Ferreira-Abadín chega ata o río Pedrido. Oeste: lindando co río Pedrido ata o lugar de comezo chamado Carballo da Veiga Rubia.
Expediente número 3/1999:
Denominación: monte de Baños e de Palleiros.
Pertenza: veciños dos lugares de San Pedro de Baños e Palleiros.
Parroquia: Marcelle.
Concello: Monforte de Lemos.
Superficie: 267 hectáreas.
Estremas e descrición do perímetro.
Norte: desde o Alto de Vidual onde concorren cos montes da parroquia de Doade (Sober), da parroquia de Marcelle e da parroquia da Penela, baixan cara ó leste por unha lomba que os divide do monte da parroquia da Penela ata o camiño da Casa de Vidual, onde está a mouteira que os separa do termo municipal de Sober. Leste: desde a Casa de Vidual baixan cara ó sur pola poligonal dos predios particulares e o regueiro de Montefurado que os divide dos montes pertencentes ós lugares de Lampaza e Vilar de Mouros, na parroquia de Doade do concello de Sober, ata chegar ó río Sil. Sur: dividen co termo municipal de Castro Caldelas (Ourense) baixando cara ó suroeste polo río Sil ata a ponte na estrada de Castro Caldelas a Monforte de Lemos e seguen cara ó oeste pola poligonal dos predios particulares ata chegar ó monte da parroquia de Doade (Sober). Oeste: dividen co monte da parroquia de Doade (Sober) subindo cara ó norte por unha lomba ó oeste do lugar de Palleiros seguindo pola mouteira entre
concellos ata o Alto de Vidual.
Expediente número 5/1999:
Denominación: montes de Rebordaos.
Pertenza: veciños da parroquia de Rebordaos.
Concello: O Saviñao.
Superficie: 94 hectáreas.
Estremas e perímetros.
Parcela nº 1 (Ancil e Carballos)-30 hectáreas:
Norte: predios particulares da parroquia de Rebordaos e camiño veciñal de Peago a Liñares. Leste: camiño pertencente ó monte comunal da parroquia de Vilelos e predios particulares da parroquia de Rebordaos. Sur: predios particulares da parroquia
de Rebordaos. Oeste: predios particulares da parroquia de Rebordaos e camiño veciñal de Peago a Liñares.
Parcela nº 2 (Cucheiro)-7 hectáreas:
Norte: predios particulares da parroquia de Rebordaos. Leste: camiño veciñal e predios particulares da parroquia de Rebordaos. Sur: predios particulares da parroquia de Rebordaos. Oeste: predios particulares da parroquia de Rebordaos.
Parcela nº 3 (Agrasante)-3 hectáreas:
Norte: camiño veciñal. Leste: predios particulares da parroquia de Rebordaos. Sur: predios particulares da parroquia de Rebordaos. Oeste: predios particulares da parroquia de Rebordaos.
Parcela nº 4 (Boucellos)-5 hectáreas:
Norte: predios particulares da parroquia de Rebordaos e camiño veciñal. Leste: predios particulares da parroquia de Rebordaos. Sur: predios particulares da parroquia de Rebordaos e camiño veciñal. Oeste: predios particulares da parroquia de Rebordaos.
Parcela nº 5 (Masenza)-49 hectáreas:
Norte: camiño veciñal e predios particulares da parroquia de Rebordaos. Leste: camiño veciñal e predios particulares da parroquia de Rebordaos. Sur: camiño veciñal e predios particulares da parroquia de Rebordaos. Oeste: camiño veciñal e predios particulares da parroquia de Rebordaos.
Contra esta resolución e desde a súa notificación ou publicación, poderá interporse recurso potestativo de reposición no prazo dun mes perante o Xurado Provincial de Montes Veciñais en Man Común de Lugo, ou recurso contencioso-administrativo no prazo de dous meses perante o Xulgado do Contencioso-Administrativo de Lugo, de conformidade co disposto no artigo 46.1 da Lei 29/1998, do 13 de xullo, da xurisdicción contencioso-administrativa, en relación co artigo 12 da Lei de montes veciñais en man común e o artigo 28 do seu regulamento, modificados os dous preceptos legais pola Lei 30/1992, do 26 de novembro, de réxime xurídico das administracións públicas e do procedemento administrativo común.
Lugo, 14 de decembro de 1999.
Emilio Sánchez Coto
Presidente en funcións do Xurado Provincial
de Montes Veciñais en Man Común de Lugo
