Dentro do programa de actividades de formación da EGAP para o ano 2000, e conforme as funcións atribuídas pola Lei 4/1987, do 27 de maio, de creación
da escola e pola Lei 10/1989, do 10 de xullo, de modificación da anterior, convócanse os cursos referidos no anexo I á presente resolución, que se desenvolverán de conformidade coas seguintes bases xerais e específicas:
Primeira.-Solicitudes.
1. O persoal que desexe participar nos cursos programados deberá solicitalo coa presentación da instancia que, como modelo oficial, se recolle no anexo II desta resolución.
2. A falsidade ou ocultación de datos esenciais para a selección dos aspirantes dará lugar á exclusión automática do curso solicitado, así como á imposibilidade de participar en ningún outro curso no presente ano.
3. O prazo de presentación de instancias será de quince días naturais contados a partir do día seguinte ó da publicación desta resolución no Diario Oficial de Galicia.
4. As solicitudes, dirixidas ó director da EGAP, presentaranse no rexistro xeral da escola, sita na rúa de Madrid, 2-4, polígono das Fontiñas, 15707 Santiago de Compostela, ou en calquera das dependencias recollidas no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Segunda.-Acceso ás actividades.
Poderá participa-lo persoal que cumpra os requisitos específicos esixidos para cada curso no aludido anexo I.
Terceira.-Selección.
1. Os criterios selectivos que se van utilizar serán os sinalados nesta convocatoria e, se é o caso, o indicado con carácter xeral na resolución da Escola Galega de Administración Pública do 27 de xuño de 1994 (Diario Oficial de Galicia nº 149, do 3 de agosto).
2. As relacións de seleccionados para participar nos cursos previstos publicaranse nos taboleiros de anuncios da Escola Galega de Administración Pública e do Centro de Información Administrativa e Atención ó Cidadán e, se é o caso, nas delegacións provinciais da Consellería da Presidencia e Administración Pública.
Cuarta.-Certificacións de asistencia.
1. Outorgaráselle-lo correspondente certificado de asistencia ós alumnos que participen con regularidade e dedicación no desenvolvemento dos cursos. Para os efectos de avalia-los coñecementos adquiridos polos alumnos, a EGAP poderá fixa-la realización das probas que considere oportunas.
2. É obrigatoria a asistencia e puntualidade a tódalas sesións dos cursos. Toda ausencia deberá ser xustificada debidamente polo interesado. A falta de asistencia, aínda que sexa xustificada, a máis do 20% das horas lectivas programadas, impedirá a expedición da certificación anteriormente referida e dará lugar á baixa no curso coa perda de tódolos dereitos.
3. Para coñecemento e constancia no seu expediente, os participantes nos cursos deberán facilitar copia das certificacións recibidas ós servicios de persoal do centro directivo ó que estean adscritos.
Quinta.-Modificacións.
1. A EGAP poderá modifica-lo desenvolvemento e mailos contidos dos cursos anunciados co fin de adaptalos ás necesidades da Administración, así como ás distintas continxencias que poidan xurdir.
2. No suposto de que o número de instancias recibidas sexa inferior ó 50% das prazas convocadas, a EGAP reserva para si o dereito de suspende-la realización do curso de que se trate, utilizando para o efecto os medios de notificación ós interesados previstos na normativa vixente.
Santiago de Compostela, 28 de febreiro de 2000.
Domingo Bello Janeiro
Director da Escola Galega de Administración
Pública
ANEXO I
* Curso: inglés medio.
1. Obxectivos.
Proporcionar uns coñecementos da lingua inglesa a un nivel medio, de xeito que permita establecer contactos esporádicos na dita lingua e conseguir unha comunicación e comprensión con certo grao de eficacia.
2. Destinatarios.
O curso vai dirixido preferentemente ó persoal con destino nas administracións autonómica, local, universitaria, parlamentaria, do Consello de Contas e do Valedor do Pobo que fixo na EGAP o curso elemental. Este persoal deberá presentar unha copia compulsada do certificado de asistencia; o resto dos solicitantes deberá presentarse a unha proba de nivel de coñecementos que terá lugar no salón de actos da EGAP o día 27 de marzo, ás 17 h.
3. Desenvolvemento do curso.
3.1. Duración: 90 horas, distribuídas en dúas sesións por semana (martes e xoves).
3.2. Lugar: EGAP.
3.3. Datas: de marzo a novembro.
3.4. Horarios: de 17 a 19 horas.
3.5. Prazas: 20:
4. Contido básico.
Solicitar ou dar información. Expresión e comprensión de pensamento obxectivo e subxectivo. Persuasión. Usos sociais da lingua. Descrición. Emprego de estructuras temporais.
* Curso: inglés superior.
1. Obxectivos.
Proporcionar uns coñecementos máis profundos da lingua inglesa para relacionarse de forma eficaz, oralmente ou por escrito, con persoas ou institucións de países anglófonos.
2. Destinatarios
O curso vai dirixido preferentemente ó persoal con destino nas administracións autonómica, local, uni
versitaria, parlamentaria, do Consello de Contas e do Valedor do Pobo que fixo na EGAP o curso medio. Este persoal deberá presentar unha copia compulsada do certificado de asistencia; o resto dos solicitantes deberá presentarse a unha proba de nivel de coñecementos que terá lugar no salón de actos da EGAP o día 27 de marzo, ás 17 h.
3. Desenvolvemento.
3.1. Duración: 90 horas, distribuídas en dúas sesións por semana (martes e xoves).
3.2. Lugar: EGAP.
3.3. Datas: de marzo a novembro.
3.4. Horarios: de 19 h a 21 h.
3.5. Prazas: 20.
4. Contido.
-Consolidación dos tempos verbais, facendo fincapé na correspondencia dos tempos: condicionais, compostos, etc.
-Afondamento no uso dos phrasal verbs.
-Adquisición de vocabulario especializado.
-Pronuncia-las formas distintas da lingua inglesa, e a súa compresión.
-Desenvolvemento de ideas complexas.
* Curso: francés medio.
1. Obxectivos.
Proporcionar uns coñecementos da lingua francesa a un nivel medio.
2. Destinatarios.
O curso vai dirixido preferentemente ó persoal con destino nas administracións autonómica, local, universitaria, parlamentaria, do Consello de Contas e do Valedor do Pobo que fixo na EGAP o curso elemental. Este persoal deberá presentar unha copia compulsada do certificado de asistencia; o resto dos solicitantes deberá presentarse a unha proba de nivel de coñecementos. Esta proba realizarase no lugar, data e horarios que determinará a EGAP.
3. Desenvolvemento.
3.1. Duración: 90 horas, distribuídas en dúas sesións por semana (luns e mércores)
3.2. Lugar: EGAP.
3.3. Datas: de marzo a novembro.
3.4. Horarios: de 17 h a 19 h.
3.5. Prazas: 20.
4. Contido.
-Introducción.
-Uso dos artigos, pronomes, interrogacións.
-Estructuras verbais.
-Expresión oral e escrita.
* Curso: francés superior.
1. Obxectivos.
Proporcionar uns coñecementos especializados da lingua francesa para relacionarse de forma eficaz, oralmente ou por escrito, con persoas ou institucións de países francófonos.
2. Destinatarios.
O curso vai dirixido preferentemente ó persoal con destino nas administracións autonómica, local, universitaria, parlamentaria, do Consello de Contas e do Valedor do Pobo que fixo na EGAP o curso medio. Este persoal deberá presentar unha copia compulsada do certificado de asistencia; o resto dos solicitantes deberá presentarse a unha proba de nivel de coñecementos. Esta proba realizarase no lugar, data e horarios que determinará a EGAP.
3. Desenvolvemento.
3.1. Duración: 90 horas, distribuídas en dúas sesións por semana (luns e mércores)
3.2. Lugar: EGAP.
3.3. Datas: de marzo a novembro.
3.4. Horarios: de 19 a 21 h.
3.5. Prazas: 20.
4. Contido.
-Introducción.
-Uso dos artigos, pronomes, interrogacións.
-Estructuras verbais.
-Expresión oral e escrita.
* Curso básico de portugués (3 edicións).
1. Obxectivos.
Comprende-la información global e específica das menxases orais e escritas da lingua portuguesa rela
tivas ás diversas situacións habituais da comunicación, emitidas directamente por falantes ou polos medios de comunicación.
Producir mensaxes orais e escritas en portugués, utilizando recursos lingüísticos e non lingüísticos, nas diversas situacións habituais da comunicación, para conseguir que esta sexa fluída e satisfactoria.
2. Destinatarios.
Persoal de Administración da Xunta de Galicia, da Administración local, da universidade, do Parlamento, do Consello de Contas e do Valedor do Pobo.
3. Desenvolvemento.
3.1. Duración: 60 horas.
3.2. Lugar: EGAP, Vigo e Lugo.
3.3. Datas: de marzo a novembro.
3.4. Horarios: en sesións de tarde. Na EGAP, martes de 17 h a 20 h.
3.5. Prazas: 20, das que 11 serán para a Administración autonómica, 4 para a local, 2 para a universitaria, 1 para a do Parlamento, 1 para o Consello de Contas e 1 para o Valedor do Pobo.
4. Contido básico.
-Comunicación oral.
-Comunicación escrita.
-Actitudes.